Sirach 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹A tuetang mueh la hlang aka ho khaw om, Tedae kammueh la aka om hlang tah cueih.

²Poi uengkueng lakah khaw ho phetlet khaw hno then pakhat la om van mai.

³Amah tholh aka ming tah yahpok mahpawh.

⁴Lunguen doela a then aka saii hlang he tah, tildil hlang loh hula poeih ham a hue neh vai uh.

⁵Pilnam a ngen duem a om te hlang cueih la om tih, ol aka yet he tah hlang loh a tuei.

⁶Pilnam a ngen tah a thui a om pawt dongah duem om, Te vaengah a ngen tah thui a ming pawt dongah duem om bal.

⁷A tuengtang buelh a pha hlan atah hlang cueih he duem om, Hlang ang kah a hoem long tah a tuetang then a hlong sak.

⁸Muep aka cal khaw tuei ham om tih, anaa amah ngaih la aka hnonah khaw thiinah ham om.

⁹Rhainah khuikah hlang he a hmailong then dae, A cuhunah vaengah tah sungdaeh la a thoeng sak.

¹⁰Kapaiah he nang ham hoeikhangnah om pawh, kapbaih he tah rhaepnit la thung ham ni a om.

¹¹Thangpomnah dongah aka palyal khaw om tih, a ngentah a tlayae hmuen lamloh kut a thoh thai.

¹²A ngen loh tangka a yol neh muep a lai, Tedae voei rhih lah koep lai a sah.

¹³Hlang cueih he ol yol dae lungloeinah kap tih, hlang ang kah olcal thingka tah a poeyoek mai ni.

¹⁴Hlang ang kah kutdoe nang hamla a hong ni, anih te buhungnah voeirhih la dang ham ni a dan.

¹⁵A yol a paek nen khaw muep a palawh tih, a ka te konglawng bangla a ang soeh. Tihnin ah hlang a pu tih a vuen ah tlek a suk, Te bang hlang te Pathen neh hlang loh a thiinah.

¹⁶Hlang ang long tah “Paya om pawh” ka boethen khaw hlang loh uem pawh, ka buh aka ca nawn long khaw olthae la kai n'thui,” a ti ni.

¹⁷Anih te hlang loh meyet hil nim a nueih nah ve. Anih long te a huen hno ni a khueh, amah loh a khueh pawt tetah thae la a thui.

¹⁸Cirhong dongah paloe he hmuilai dongah paloe lakah then. Halang kah a cungkunah tah koeloe phoe,

¹⁹Aka muen hlang he cil aka rhoep pawt neh lo uh, sawt rhoel kah hmuilai dongah ngawn tah bat yoeyah.

²⁰Hlang hmuilai dongkah thuidoeknah tah a hnawt pah, amah tuetang ah ol a thui pawt dongah ni.

²¹Hlang he tholh pawt hamla khodaengnah loh a hoep a tlang, Te dongah a duem vaengah khaw yutloeinah om pawh.

²²Hlang he yahpohnah dongah khaw, hlang kah hinyahnah dongah khaw a hingnah a hlong.

²³Pakhat long tah a yah dongah paya neh ol a khueh, Tedae a hong lai dongah thunkha la a khueh van.

²⁴Laithae loh hlang te thae cakue la a khueh, khungrhap kah hmuilai dongah yawnyawn pha uh.

²⁵Hlanghuen pataeng laithae lakah tah rhoei pueng, Tedae te rhoi te bok poci ni.

²⁶Laithae loh mingthae la a mawt yoeyah tih, A khuiah yahyongnah om yoeyah.

²⁷Hlang cueih tah a ol loh a banhman sak tih, aka khuel khaw lungloeinah muep a dang.

²⁸Lai aka yawt long tah canghlom a hmoek, Tiktamnah neh lai aka tloeknah kolonah muep a dang.

²⁹Kolo sai neh kapbaih loh hlangcueih mik a dael sak tih, a toel pawt hamla a kam te khoep a khom pah.

³⁰Cueihnah a thuh neh hmuh mueh khohrhang, melae a phu aka tlo ngai eh?

³¹A ang aka khoem hlang he tah, cueihnah aka phah hlang rhoek lakah then.