Sirach 31

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Khuehtawn sokah ihhoelhnah long he pumsa a caep mawntangnah loh khaw ihnah te vik a haek.

²Mikhue mikcang la mawntangnah loh mikku a hoelh sak tlohnat lakah khaw ihtuinah te vik a koe.

³Boei long tah a hmailong ham muep thakthae tih, a duem vaengah khaw anih te didipnah neh baetawt.

⁴Khodaeng kah thakthaenah loh khosak vawtvainah a thoeng sak a duem vaengah khaw a ngoengaihnah muep om.

⁵Sui aka ngaih long a tiktam tlaih moenih, tangka aka hloem khaw tangka long longpuei a hmang sak.

⁶Hlang a yet kah pocinah he sui dong lamloh halo tih, amih a timnah khaw a hmai a hmai ah a om pah.

⁷Te te aka hue rhoek hamkhaw thuikoek hmuitoel om tih, aka ang boeih ngawn tah te long te a sol ni.

⁸Boei khaw a hmabuet la a om tah a yeothen, amih long te sui hnuk khaw a vai bal moenih.

⁹Mamih loh u lae ng'uem uh bal eh, a pilnam soah kopoek rhai hno aka saii te ni.

¹⁰Sui neh a noemcai vaengah u lae hlang soep a hmuh, boethae aka saii pawt tih tebang aka saii pawt ni.

¹¹A khuehtawn loh a thoh vetih tih, a moeihoeinah khoboe te hlangping loh a doek ni.

¹²Hlang len caboei dongah na ngol nama? te dongah khaw halhka boeh ne. “Caak muep om la he,” ti boeh.

¹³Halhka mik he hno thae ni tila poek,

¹⁴Na hmuh sarhui taengah na kut te phuel boeh, na hui te bael kongah nen boeh.

¹⁵Laitloek vaengah, na huikah ngaihlihnah te namah kah bangla poek, olka boeih dongah khaw a then la poek.

¹⁶Na hmaiah a tawn te tah, Aka cilpoe hlang bangla ca. Palawng padai la ca boeh, nang te n'tuei uh ve.

¹⁷Moeiboe then la om ham, lamhma la thoo, calnat la om boeh lai na kawh tarha ve.

¹⁸Hlang a yet lakli kah na ngol atah, amih loh a taek hlanah na kut lamhma puei boeh.

¹⁹Aka toel uh hlang ham tah a yol khaw rhoeh mai, A thingkong dongah khaw phutphut a hil moenih.

²⁰Sading la ihnah he khaw a rhoehkhoeng la caaknah dongah om anih te yue thoo dae a ngai khuek ti. Imueh ihnai neh patangnah khaw, kolet bungpoi he khaw calawm taengah om.

²¹Na caak voelh bal oeh atah, thoo lamtah lok dae, na hoeikhang bitni.

²²Ka ca kai ol he hnatun lah, kai n'sawtrhoel boeh, A bawtnah ah ka ol loh nang te ng'oep bitni. A cungkuem dongah a rhoekhoeng la saii, Tedae ah ni tlohtat loh n'noeng pawt eh.

²³Buh dongah moei aka hoeih te pilnam loh a uem, Te dongah moeihoeihnah te tueng pai tila laipai uh.

²⁴Buh dongah aka cik tah khopuei khaw a kohuet sak, Tedongah a moeithae te a laipainah tueng pai.

²⁵Na thaomnah te yubueih neh cak sak boeh, yubueih long hlang muep a phae coeng lahko.

²⁶Kuthai kah bibi te hmaihueng loh a noemcai, Yu loh hlang thinko a noemcai tih tohhaemnah a huek.

²⁷Misur tui khaw a rhoehkhoeng a tah, hlanghing kah a hingnah tluk la om. Misur tui a om pawt atah hlang kah hingnah metlam a om? te long te pilnam kah omngaihnah khaw a saii vaen dae ta.

²⁸Misurtui khaw a tuetang vaengah a rhoehkhoeng la o teni thinko omngaihnah neh hinglu kohoenah la a om.

²⁹Misur tui ok aih long he mueihla a khahing sak tih, tohhaemnah neh tongtahnah la a poeh sak.

³⁰Yurhui vaengah tah a angvawk kah thintoek loh a nganboh ni a yet sak A thadueng khaw a tlak sak tih, a hmalaem te a khoep pah.

³¹Na hui te yukung buhkung ah coel boeh, a omthennah soah khaw hnael boeh. Anih honah ol khaw thui boeh, Amah ngaih bangla a saii vaengah a ngaihlih sak boeh.