Sirach 17

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Boeipa loh hlang hing diklai lamloh a suen tih, amih te diklai la koep a mael sak.

²Amih te a khohnin khaw rhep a khueh pah coeng, Tedae diklai dongah cungkuem boeih soah saithainah a khueh pah.

³Amih te a khuiah amah bangla thaomnah a khueh pah tih, amih te amah mueiloh la a suen.

⁴Amah loh mulhing boeih kah ko khuiah hlang rhihnah a khueh pah, Ramsa neh vaa soah uknah khaw hlang taengah a paek.

⁵Te rhoek loh Boeipa loh yaknganah panga a paek, a parhuknah dongah tah hmatthainah, A parhihnah dongah a thuicaihnah ham mingnah a paek.

⁶Hlang taengah boesoepnah, lai neh mik khaw, hna neh poeknah ham lungbuei khaw a paek.

⁷Hlang dongah mingnah neh yakmingnah a bae sak tih, a thae neh a then khaw a tueng.

⁸Boeipa rhihnah he amah loh hlang thinko ah a khueh pah, A bibi dongkah a khuetnah te khaw hlang a hmuh sak coeng.

⁹A mih loh a cuennah dongkah a ming cim te a koeh tih,

¹⁰a bibi aka nguel coeng te khaw phong uh saeh.

¹¹Amah loh hlang soah mingnah te a up tih, hingnah olkhueng te a yo sak.

¹²Amah loh hlang taengah dungyan paipi a sai tih, A taengah a oltloek te a phoe pah.

¹³Hlang mik loh Boeipa kah a boeimang thangpomnah a hmuh tih, a hna long khaw thangpomnah ol te a yaak coeng.

¹⁴Hlang taengah, “A thae boeih te ngaithuen,” a ti nah. Te dongah a imben kawng dongah khaw olpaek te rhip a paek.

¹⁵Hlang kah longpuei teh Boeipa taengah phoe yoeyah, te dongah a mikhmuh lamloh thuh uh thai pawh.

¹⁶A camoe lamkah a khoboe rhoe mah a thae la hoi uh coeng, a thiko lungto bangla aka ning te khaw, ngasen lungbuei la a coeng sak uh thai moenih.

¹⁷Amah loh namtom boeih kah ukkung a khueh, Tedae Israel tah Boeipa amah kah hamsum la om.

¹⁹Amih kah bibi te Boeipa mikhmuh ah khomik bangla phaeng tueng. Amih kah khoboe Boeipa mik dongah boeih om.

²⁰Amih kah boethae boeih te Boeipa hmuh ah a thuh tloel, Te dongah amih kah tholhnah tah Boeipa taengah phoe.

²¹Boeipa amah tah a then dongah Amih te metla a suen khaw boeih a ming tih hnawt mahpawh, Voei bal pawt vetih amih te a rhen bal pueng ni.

²²Doedannah aka khueh tah Boeipa taengah, kutbuen kutnoek bangla om tih. A sitloh hlang te tah a mik dongkah thaihthawn la, amah loh loh a khoem a bael ni.

²³Te phoeiah amih te a thoh vetih a thung pueng ni, Te vaengah amih tholhphu te amih lu soah a tloeng pah ni.

²⁴Te cakhaw aka yut rhoek tah a taengla a mael sak tih, Ngaiuepnah aka bawt rhoek khaw koep a hloep.

²⁵Boeipa taengla mael lamtah na tholhnah te voei laeh, a mikhmuh ah thangthui lamtah na khoboe khaw hlawt laeh,

²⁶Khohni taengla mael lamtah boethae lamloh mael laeh, Amah loh a tuei te tah thinah saloel laeh.

²⁷Saelkhui ah u long Khohni koehnah a sak vetih, mulhing rhoek kah a hmuen ah u long a uem eh?

²⁸Duek lamkah he tah aka om mueh taengkah bangla uemnah he khaw paltham mai ta. Aka hing rhoek long tah Boeipa koehnah khaw a then la a sak.

²⁹Boeipa kah rhennah neh a taengla aka mael rhoek ham, khodawkngainah he len tangkik rhoe pai.

³⁰Hlanghing kah a noengnah he a cungkuem moenih, te dongah hlanghing puet aka nguel la om pawh.

³¹Khomik lakah balae aka sae bal voel? Te pataeng hmuep pueng ta. Pumsa neh thii aisat he boethae long la a hmil.

³²Boeipa tah vaan sosang kah caempuei rhalboei ni. Tedae hlang hing boeih tah laipi hmaiphu la om.