1Hlang a yet loh a kum a ko hamla tholhnah a saii uh, Boeinah aka tlap rhoek khaw a mik palet uh coeng.
2Lungto laklo kah a caeknah ah a cungkai a om bangla, tholhnah he khaw hnoyoi neh hnolai laklo ah om.
3Hlang he Boeipa rhihnah dongah cikngae la a om pawt atah, a imkhui he phawn a koengloeng pah ni.
4Vairhuek a ninoek vaengah kawnhnawt a phoe bangla hlang a olcal dongah ni a boethae a tueng pah.
5Hmaihueng loh am bop kah am a noemcai bangla hlang he a olcal thingka loh a noem cai van.
6A thaih loh thing a hloe te a tueng sak bangla,
7Hlang te ol a thui hlanah koeh boeh, He a longim nen ni hlang na noem eh.
8Tiktamnah te na hloem atah, na kae ni, Te dongah te himbai then bangla bai laeh.
9Vaa khaw amah hui vanah ni a cuk, Te dongah uepomnah khaw amah aka vai taengah ni a om.
10Sathueng loh maeh a tawt bangla, tholhnah loh boethae aka saii te a tawt.
11Hlangcim kah olcalthingka tah cueih yoeyah tih, hlang ang tah hla bangla hoilae uh.
12Namah tuetang te hlang ang lakli ah a rhoeh ah ne, tedae pilnam ko a poek taengah tah om na rhoi akhaw.
13Hlang ang olthui tah a lolhnah la om tih, a nueih uh khaw tholhnah koeloe la om.
14A thaephoeinah neh toemngamnah mul rhung tho, A tohhaemnah soah hlang loh a hna a buem.
15Hlang hoem kah oeltaihnah loh thii a long sak tih, aka ya rhoek khaw thintoekkalh la a khueh.
16Olhuep aka pok loh ueppangnah a phae, anih te paya thitlo a hmuh tlaih moenih.
17Na paya te lungnah lamtah anih soah tangnah khaw khueh, anih kah olhuep te na poh atah a hnukah bang boeh.
18Hlang he a rhal loh a phae vanbangla, na imben na payanah te khaw namah longni na phae.
19Na kut dongkah vaa te na loeih sak bangla, na imben te khaw caeh sak laeh, anih te koep tu voel boeh.
20A hnukah khaw vai boeh, anih te bahoeng lakhla coeng, anih te kirhang bangla thang dong lamloh loeih coeng.
21A hma te koep a ben van bangla thaekhanah khui lamkah khaw moeithennah he om., Tedae olhuep aka pok hlang tah ngaiuepnah tal coeng.
22Mik aka hap khing khaw boethae ni a taeng, anih aka ming long a hla la khoem uh saeh.
23Na mikhmuh ah a hmulai boeih didip vetih, na ol te khaw a oep ni. Tedae a hnukah tah na ol te a mael vetih, na ol soah nan n'hliphen ni.
24Ka thinah he muep om dae, anih te ka thinah koek Boeipa long pataeng anih te a thinah.
25Lungto thaeng aka dong hang khaw, amah lu dongah ni koep a tlak. Hnukpohnah neh aka ueng uh soeh long khaw, a hma ni muep a phen khoeng.
26Vaam aka to khaw amah ni a cungku eh, hlaeh aka tung khaw amah ni a man eh.
27Hlang loh boethae a saii dae, amah ni a paluet thil, Te vaengah me lamkah a thoeng khaw ming mahpawh.
28Hlang lawn neh hlang thae khaw oekhlawnah lamloh ha lo, Te dongah kuthungnah loh sathueng bangla anih te amah.
29Hlang cim a cung vaengah aka omngaih te tah amah khaw hlaeh dongah man ni. A dueknah a pha hlanah tlohnah loh anih te a yoop ni.
30Thintoeknah neh kosi he khaw sarhingrhup la om, Tedae hlang tholh long te te khak a pom.
