Sirach 21

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

¹Na tholh coeng nama? Ka ca aw, saii voel boeh. hnukbuet kah tholhnah dongah khodawkngainah bih laeh.

²Rhul taeng lamkah bangla tholhnah te yong tak, tholhnah te na paan koinih namah ni n'ngaeh eh. A no khaw satueng no bangla om tih, hlang kah hingnah khaw a phae thai.

³Boethae he khaw cunghang rhaepnit bangla haat, a toeh hma te khaw a hoeinah a om moenih.

⁴Letnah neh yutloeinah loh boei khaw a tal sak, hlang hoem kah imphu khaw rhup tal van ni.

⁵Khodaeng hmuilai kah thangthuinah tah Pathen hna ah kun, Te dongah a laitloeknah khaw koeloe om.

⁶Hlang tholh kah khokan dongah aka pongpa tah toelthamnah te khaw a thiinah. Tedae Boeipa aka rhih hlang long tah a thinko khui lamloh yutnah a khueh coeng.

⁷Olthui aka hat khaw duelh thang dae, aka yaknga long tah a ih vaengkah khaw boeih a ming.

⁸Pilnam kah tangka neh a im aka sa hlang he khaw a phuel hamla lungto aka kuk neh vai uh.

⁹Hlang ang rhoekkah ngoltunnah tah malpawt bangla om tih a bawtnah ah hmai loh luk a dom mai.

¹⁰Hlang tholh kah longpuei ah lungto a hmahling a phaih, Tedae a bawtnah ah tah hell kah a khui om.

¹¹Olkhueng aka tuem tah a poeknah a khing a mong Boeipa rhihnah dongah khaw cueihnah soep.

¹²A khuel pawt tah cangpuei la lo pawh, Tedae khuelnah a om akhaw a khaa kahlak la om bal.

¹³Hlang cueih kah mingnah tah tuili bangla phul, Te dongah a cilsuep khaw hingnah tuisih bangla om.

¹⁴Hlang ang kah poeknah tah am kaek bangla om, Te dongah mingnah khaw duen thai pawh.

¹⁵Hlang cueih ol te lungming loh a yaak vaengah a koeh tih a thap thil bal Hlang ang loh a yaak vaengah tah nuei tih, a nam benla a voeih.

¹⁶Hlang ang ol he yincaeh vaengkah hnorhih bangla om, Tedae lungming kah olthui dongah tah a hlihlim khaw om.

¹⁷Aka khuel kah olthui tah tingtunnah khuiah a hue, Te dongah a olka te a lungbuei ah a thuep uh.

¹⁸Hlang ang kah cueihnah tah imrhong neh vai uh, vapsa mai la, a mingnah khaw mingtung phalai pawh.

¹⁹Vapsa hlang ham tah lungmingnah khaw a kho dongkah hloong bangla om tih, bantang kut dongkah kuel rhui bangla om.

²⁰Hlang ang tah a nuei vaengah a ol len Tedae hlang cueih tah cuepcuep ah ni a nueih.

²¹Aka cueih kah lungmingnah tah sui himbai la om tih, a ban dong kah kungpak bangla om.

²²Hlang ang kah a khokan tah im khuila cu tih, aka phaep uh longtah poengah hinyah koila a rhing.

²³Hlang thae tah thohka hlip lamloh imkhui a sawt, hlang tang long tah poeng ah a rhing pueng.

²⁴Thoka hlip lamloh aka hnatun khaw hlang thae duet, Hmantang hlang long tah te te rhaidaeng la a poek.

²⁵Caitawt hmuika kah olka tah mingtung phalai pawh, aka muet uh kah olka tah coi dongah a khiing om.

²⁶Hlang ang kah lungbuei tah a ka dongah om, Tedae aka cueih kah a ka tah a lungbuei ah om.

²⁷Lailak loh a kocaelh te a tap, Tedae amah ni khoeng a tap uh.

²⁸Hlang aka hnael loh amah tah poek uh pawh, Teda a imben tah rhae a thiinah bal pueng.