San Lucas 10:25-34

²⁵Ya, estagüe, un magas y lay na tumojgue julo ya tinietientagüe, ya ilegña: Maestro, jafa jufatinas para juereda y taejinecog na linâlâ?

²⁶Ya ilegña nu güiya: Jafa matugue gui tinago? jafa untataetae?

²⁷Ya güiya manope, ilegña: Guaeya y Señot Yuosmo contodo gui corasonmo, yan contodo y antimo, yan contodo y minetgotmo, yan contodo y tiningomo; yan y tiguangmo taegüije iya jago namaesa.

²⁸Ya ilegña nu güiya: Mauleg inepemo: fatinas este, ya unlâlâ.

²⁹Lao güiya, malago na unatunas maesa güe, ilegña as Jesus: Ya jaye tiguangjo?

³⁰Ya inepe as Jesus ya ilegña: Un taotao tumunog guinin Jerusalem asta Jerico, ya podong gui entalo y manaque; y machule y magaguña ya manachetnudan güe, ya manjanao ya mapolo cana matae.

³¹Ya susede na un pale tumunog güijeja na chalan; ya anae jalie malofanja gui otro banda.

³²Taegüijeja locue un Lebita, anae mato jijot güije na lugat, ya jaatanja, ya malofanja gui otro banda.

³³Ya un Samaritano, anae jumajanao güije na chalan, mato lugat nae gaegue güe, ya anae jalie, ninamaase,

³⁴Ya mato guato guiya güiya jabee y chetnot sija ya janaye laña yan bino; ya janamaudae gui gaña gâgâ, ya jacone asta y guima publico ya jaadaje.