لُكِ 10:25-34

²⁵لْشْ ندٍ، سّرِيّ لْننِلَ ندٍ تٌ نُ وَ مَ عِسَ مَتٌقٍ، عَ نَشَ تِ، عَ عَ قَلَ عَ بّ، «كَرَ مْشْ، عَ لَنمَ ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ؟»

²⁶عِسَ قَن نَشَ عَ مَشْرِن، «مُنسٍ سّبّشِ مُنسَ شَ سّرِيّ كُي؟ عِ عَ قَهَامُشِ دِ؟»

²⁷سّرِيّ لْننِلَ نَشَ عَ يَابِ، «عِ شَ عَلَ شَنُ عِ بْحّ بِرِن نَ، عِ نِي بِرِن نَ، عِ سّنبّ بِرِن نَ، عَ نُن عِ شَشِلِ بِرِن نَ. عِ مَن شَ عِ نفَشَكٍرٍنيِ شَنُ عَلْ عِ عِ يّتّ شَنُشِ كِ نَشّ.»

²⁸عِسَ نَشَ عَ قَلَ عَ بّ، «عِ شَ يَابِ قَن. شَ عِ نَ رَبَ، عِ كِسِمَ نّ.»

²⁹كْنْ سّرِيّ لْننِلَ تٌ نُ وَ مَ عَ تَن شَ كٌلٌن تِنشِنتْي رَ، عَ مَن نَشَ عِسَ مَشْرِن، «كْنْ ندٍ قِندِشِ ﭑ نفَشَكٍرٍنيِ رَ؟»

³⁰عِسَ نَشَ وْيّنيِ تٌنفٌ، عَ عَ يَابِ، «شّمّ ندٍ نُ نَ كِرَ شْن كٍلِقٍ دَرِ سَلَمُ فٌرٌقٍ رَ يٍرِكٌ. مُحّتِيٍ نَشَ دُتُن عَ مَ، عٍ عَ شَ دُفِيٍ بِرِن بَ عَ مَ، عٍ عَ بْنبْ، عٍ عَ لُ عَلْ قَشَمِشِ.

³¹عَ نَشَ عَ لِ، سّرّشّدُبّ ندٍ نَن نُ قَقٍ نَ كِرَ شْن مَ. عَ تٌ نَ شّمّ تٌ سَشِ كِرَ رَ، عَ نَشَ دَنفِ كِرَ سّيتِ بٌورٍ رَ.

³²نَ مْولِ مَن نَ، لٍوِ دِ ندٍ قَن نَشَ قَ كِرَ شْن مَ. عَ تٌ نَ لِ، عَ شّمّ تٌ سَشِ كِرَ رَ، عَ قَن نَشَ دَنفِ كِرَ سّيتِ بٌورٍ رَ.»

³³«كْنْ سَمَرِكَ ندٍ قَن نَشَ قَ عَ شَ بِيَاسِ كُي، عَ نَ شّمّ لِ كِرَ رَ. عَ تٌ عَ تٌ، عَ نَشَ كِنِكِنِ كِ قَنيِ.

³⁴عَ تٌ عَ مَسٌ عَ رَ، عَ نَشَ تُرٍ نُن وّنِ سَ عَ شَ قِيٍ مَ، عَ عٍ مَشِرِ. عَ نَشَ عَ تٌنفٌ، عَ عَ سَ عَ شَ سٌقَلٍ قَرِ. عَ نَشَ عَ شَنِن يِفِيَ بَنشِ ندٍ كُي، عَ مّينِ عَ مَ.