Luka 10:25-34

²⁵Laugagaeo tauna esau i toro bena Iesu i nohoi, i ene, Tauheata e, saha ea ginauri mauri nige nosina abo ea abi?”

²⁶Iesu ie ribalau ia arinai, i ene, “Laugagaeo bukana eai saha se uri? edoha em hasihasirina?”

²⁷Ia arinana i heuio, i ene, “Guiau em Eaubada u gadosisiei ma nuam i ohi, eo ma earuam i ohi, eo ma adidirim i ohi, eo ma nuanuatum i ohi; eo helem taumia tauna u gadosisiei doha hinage oabom u gadosisiuioim.”

²⁸Iesu i ribalau ia arinai, i ene, “Em riba i dudurai; teina u abiwatai ede, abo u mauri.”

²⁹Ia mo, ena riba bena i hedudurai, i ribalau Iesu arinai, i ene, “Helegu taumia ede eai?”

³⁰Iesu ia arinana i heuio i ene, “Tau esau Ierusalema eai ie dobi Ieriko, na tauaiaigirihai i hearodi, ana lulu se abihaidi, eo ia se laulaulubini abo se laugabaei, matena i hanahanau.

³¹Kohena esau nei dobila eai ne i laulau ie lau: abo tau wa ie ita, i utugesi hari teha eai ie lau.

³²Hinage doha Levi tauna esau wau dimo wa arinai ie lage, i laoma i aiaiewaei, abo i utugesi hari teha eai ie lau.

³³Samaria tauna esau ena lauwasi eai ie lau e ie lage tau wa ena aba ota eai, ia abo ie ita eo i nuatoatoaei.

³⁴I lau ia arinai ana gai wa i sumadi, waina eo eausi i hegoilaedi ana gai eai, eo i hebawasae ena asini potana eai, i woeai i laei abaaiaitaumana edi numa eai, abo i itawatai.