SAN LUCAS 10:25-34

²⁵Jngu nixtjin jngu chjine kjuatexuma tsisetjen tuxi skutꞌayakoni Jesús, ꞌba tsiningiyare: —Maestru, ¿mé= xi tjinnere nga saꞌaa̱n tuxi sꞌe̱nina̱ kjuabenichun xi bi fetꞌa?

²⁶ꞌBa Jesús kitsingojore: —¿Mé= xi kuaꞌindutꞌa kjuatexuma? ¿Mé= xi ꞌbexkiye?

²⁷ꞌBa chjine kjuatexuma kitsingojo: —“Timején Naꞌenchana xi Naꞌenri ko ngayéje inimari, ko ngayéje yojori, ko ngayéje ngaꞌñuri ꞌba ko ngayéje kjuafaꞌetsjenri.” ꞌBa: “Timején xingi jotsaꞌen nimején yojori.”

²⁸ꞌBa Jesús kitsure: —Je nda kjiniguaje. Tsa siꞌen kibi, sꞌe̱=ri kjuabenichun.

²⁹Tunga chjine kjuatexuma mejénre yaku nga kixi sejña ngixkun Naꞌenchana, ꞌba tsiningiya nganire Jesús: —ꞌBa ¿ꞌyá= xi xingia̱?

³⁰ꞌBa ꞌbatsaꞌen Jesús kitsingojore: —Jngu xuta ꞌetju naxinanda Jerusalén nga tifijenya ndiya xi fi Jericó. ꞌBa yakꞌa nchja cheje kisatejin, ꞌba kui kiskjebe kaꞌnda najñu xi yaja ꞌba yeꞌere kaꞌnda nga kitsikꞌenya, ꞌba kiji.

³¹ꞌBa tu kio fa, jngu naꞌmi jendibajen ndiyabiu ngayeje, tunga kionga tsabe xuta xi kio tikijña, jaꞌa xi ngijngu ngatere ndiyo.

³²ꞌBa nde jaꞌe ngaꞌndebiu jngu xuta levita ngayeje. ꞌBa kionga tsabe xuta xi kio tikijña, jaꞌa xi ngijngu ngatere ndiyo.

³³Tunga jngu xuta xi tseꞌe Samaria xi tifaꞌa ndiyabiu jaꞌe ña tikijña kui, ꞌba kionga tsabe, jaꞌanimare.

³⁴ꞌBa kitsitiñatꞌare ꞌba kitsikire ña onre ko aseti ꞌba ko binu, ꞌba yaxtejun najñu. ꞌBa kitsikꞌejñakjare tjiunaxin xi tjenko ꞌba kiko niꞌya ña tsikjaꞌaya xuta xi xin inyafi, ꞌba kio kuakuenda.