1Nina Linge ni holouto David Ghe God, na tobagu te nia varava itamua, mu ku linge nimua na linge ni holouto! Rarai na tarungagu!
2Inau ku avehia na labota nia nigua na linge, mu ku ni rarai na ghalevu mana uvete.
3Yahweh/Lord, inau ku holoutogho, tana matadira na lei tinoni. Mu ku linge holohabagho ghobudira na lei kema.
4Nimua na dolo te mua mautu te dato haba vulea na kokou, Ma nimua na utuni te saravia na parako.
5Ighoe God, ko tatea i kokou nimua na haba, ma nimua na rongoragha ke saopoa na maramana talighu.
6Ko bosatughu nigua na kokoeliulivuti, ge ko vavolau inau nia na lima madolomu te laga, mo ko rughuhorura/lubatira/vavolara ghua nimua na vure to dolovira.
7Aeni God te nia baubahu tana bonana te tabu, “Me ke vilivoka i Shechem nia na togotogo. Inau ku kagea/vahea na hohogho Succoth tana nigua vure.
8Gilead nigua, na Manasseh ghua nigua. Ephraim ke subora nigua na vure kisumate/malaghai, mi tana kemana Judea ke va mai nigua na lei vunaghi haba.
9Ighoe Moab nigua na tinoni lutu sasara/seka, mi nau ku sonia na hahara ni marevogu ivuvungona Edom, te vagha na vaughilala ge ku loghoa na butonikomu keri. Mu ku ngangaraha na pukuna tu lagavulera rana Philistia.”
10?Ma ahei ke lavi hagheu ilokana komu vahola/vatu ngasi? ?Ma ahei ke lavi olia vaniu mai, na laga vulea Edom?
11?Ghe God, o nighai sika tua? ?Ko mua nira udukolu tua nimami na ovu ni kisumate?
12Ko hangaghai tana ghamami na lei levunimate, na pukuna na hahanga ni tinoni te totobo lee vamua.
13Ma nia nina hahanga God, ka gonighi nia na lei totobo haeharegha, me ke turi horura ghada na levunimate.
