Sabóor 85:2-11

²Éy Aji Sax ji, yaa baaxe woon sa réew mi, ba suqli sëti Yanqóoba yi,

³baal sa mbooloo seeni ñaawtéef, jéggal leen bépp bàkkaar. Selaw.

⁴Ba nga xadar ja, muñ mer ma.

⁵Éy Yàlla mi nuy musal, suqli nu, te meddi.

⁶Xanaa doo nu mere fàww, ba ca sët yaak sëtaat ya?

⁷Xanaa dinga leqli sa mbooloo, ba ñu man laa bànneexoo?

⁸Éy Aji Sax ji, won nu sa ngor, baaxe nu sag wall.

⁹Woykat ba nee: «Naa déglu lu Aji Sax ji Yàlla di wax.» Jàmm lay wax wóllëreem ñiy ñoñam, ba duñu dellu ci jëfi dof.

¹⁰Wallam aka jege ñi ko ragal, te leeram dëgmal sunu réew mii!

¹¹Ngor ak kóllëree daje, njekk ak jàmm saafoonte,