Tingtoeng 85:2-11

²Na pilnam kah thaesainah na phueih pah tih, amih kah tholhnah boeih na dah pah. Selah

³Na thinpom te boeih na rhoe tih thintoek thinsa te na hnop.

⁴Kaimih kah khangnah Pathen aw kaimih he koep n'thoh lamtah kaimih taengkah na konoinah te dip sak laeh.

⁵Kumhal duela kaimih taengah na thintoek vetih, cadilcahma phoeikah cadilcahma duela na thintoek na yueng aya?

⁶Na mael mahpawt nim? Kaimih nan hingsak vetih na pilnam loh namah dongah a kohoe mako.

⁷BOEIPA namah kah sitlohnah te kaimih n'tueng lamtah na khangnah te kaimih taengah m'pae lah.

⁸A pilnam taeng neh a hlangcim taengah ngaimongnah a thui dongah BOEIPA Pathen loh a thui te ni ka hnatun eh. Tedae anglatnah la mael boel saeh.

⁹Mamih kho khuiah thangpomnah rhaehrhong sak ham amah rhih taengah BOEIPA khangnah te rhep yoei sak lah.

¹⁰Sitlohnah neh uepomnah loh humcui rhoi tih duengnah neh rhoepnah loh mok uh rhoi.

¹¹Diklai lamkah uepomnah poe tih vaan lamkah duengnah loh a sawt.