Psalms 85:2-11

²Ni ka kariimet nunga memek siwurem, ale nunga memek beteman mu ira kaluwu saperem.

³Nika gemang magara to beta ko beterem, ale gemang tama ko kaniwaram mu susuru gurugu tuem.

⁴O Kaem, anananga Saonga Kari, nanga gi ale akingtala nanga nunguruko, nika gemang ikup mu bitar se mena namarukko.

⁵Mu ni butata ana nago ko gemang maga se lagarukko e? Ale nika gemang magara mu me ta menarukko e?

⁶Ni akingtala sokel iru nangaru se, ana nika kariimet amilmilanak ale nip patawunakko.

⁷O Yawe, nika kua ana nangara ko munan wore wetang sapar ale nanga sangaru toko.

⁸Ani adogowa gurugek ale Kaem Yawe nu anapeya baluk wore ikiekko; mu nu ko kariimet nu diram la karo tusan mu gomang lila balu nungarso. Bare akingtala me pelemon ale ikia memek bitawaman mu me ta betemonko.

⁹Nunguningta, awiriya noko nguangasan mu nu nunga sangaru taukko sinar bagoso, mu te noko kumik nikim nanga ali imi lilim la ira saparukko.

¹⁰Se kariimet nunumi ko kua tui se nunumi nongomang nunguning tua ko munan betemonko; ningo diram la bagara ko munan se bagara lila ko munan mu te bagamonko.

¹¹Numi gomang tua nunguning ko munan mu ali te barasukko; se Kaem nu ningo diram la bagara ko munan mu duruk uningi bitiruk se tai kaparukko.