SALMOS 85:2-11

²Benít ḻawo'o da' ẕinnj da' bengak benne' chio' ka'. Bdio' cheḻa'ale doḻa' chégake'.

³Bzoa žio' yeḻa' ẕža'a chio', na' bsano' yeḻa' yichj ža'a chio'.

⁴Ben ga yeyák cheto' yeḻa' ba nez che yeḻa' weslá chio' na' biž žo'o neto', Dios.

⁵¿To chi'ize žo'o neto'? ¿Žá'akzo' to kwe' to kwe' ẕa'sóto' ka'?

⁶¿Biž gono' ga yebelto' da' yoble, nich gaken cheto' yeḻa' ba nez ḻawo' Le'?

⁷X̱anto' Dios, beyache' ḻaže'l neto', na' beslá neto'.

⁸Wzé naga' da' nna X̱ana' Dios. Nne' da' gonen ga ga'ngak chawe' benách chie' ka' nich biž gongak benne' la'y chie' ka' da' yaḻze.

⁹Da' likze Dios zóateze' yeslé' benne' ka' žápegake' Ḻe' ba la'ne, na' ḻa' ḻaw yeḻa' ẕen chie' ḻo yežlyó chežo.

¹⁰Zej nžag yeḻa' žeyache' ḻaže', na' da' li che Dios. Nakgak toze da' chawe', na' yeḻa' ẕga'n chawe' chie'.

¹¹Da' nak dot da' li chie' yeschán' yežlyó nga, na' seḻe'e da' chawe' chie' da' zan' ya'abá.