Sabóor 48:1-13

¹Muy woyu Sabóor, ñeel askanu Kore wu góor.

²Aji Sax jee màgg, jara màggala màggal ca sunu biir dëkku Yàlla, kaw tundam wu sell.

³Jekk taxawaayee tundu Siyoŋ, catu bëj-gànnaar, dëkku buur bu mag bi, di mbégtem àddina sépp.

⁴Yàllaa wone kaaraangeem ca biir tatay dëkk ba.

⁵Buur yaa ngoog daje, àndandoo.

⁶Nun noo gis, jommi, tiit, fëx,

⁷ne fay pat-pati, jàq ni kuy matu.

⁸Ngelawal penku, moom ngay tase gaal gu mag.

⁹La nu déggoon de lanu gis ca dëkkub Aji Sax ji Boroom gàngoor yi, sunu dëkku Yàlla ba. Yàllaa koy dëgëral ba fàww. Selaw.

¹⁰Céy Yàlla, nu ngi sa biir kër, di xalaat sa ngor.

¹¹Céy Yàlla, sa tur ay sa woy ba ca cati àddina. Njekk la sa loxo fees.

¹²Yal na waa tundu Siyoŋ bég, waa Yuda bànneexoo say àtte.

¹³Doxleen biir Siyoŋ, wër ko, waññleen ay soorooram,