Psalm 48:1-13

¹Psalm lun Tulik natul Korah LEUM GOD El fulat, ac fal in arulana kaksakinyuk El In siti sin God lasr, fineol mutal sel.

²Zion, eol sin God, el arulana fulat ac kato; Siti sin tokosra fulat ase engan nu fin faclu nufon.

³God El akkalemye lah oasr nien moul misla yorol In pot ku lun siti sac.

⁴Tokosra puspis, wi mwet mweun lalos, elos fahsreni Ac tuku in mweuni Fineol Zion.

⁵Tusruktu ke elos liye Fineol Zion, elos arulana fwefela; Elos sangeng ac kaingla.

⁶Elos sangeng ac arulana tuninfongla ingo, Oana sie mutan su akola in isus,

⁷Ku oana oak palang su musalla ke sie paka lulap.

⁸Kut lohng tari ke ma God El orala Ac inge kut liye In siti lun God lasr, LEUM GOD Kulana; El ac fah karingin siti sac nwe tok ma pahtpat.

⁹Ke kut muta in Tempul lom, O God, Kut nunku ke lungse kawil lom.

¹⁰Mwet uh kaksakin kom in acn nukewa, Ac pungom fahsrelik nu fin faclu nufon. Kom kol mwet uh ke suwoswos.

¹¹Lela mwet in Zion in enganak! Tuh kom oru nununku suwohs; Lela in oasr engan in siti nukewa in Judah!

¹²Mwet lun God, kowos fahsr rauni acn Zion ac oek tower fulat we;

¹³Liye kalkal we, ac lohang nu ke pot ku we, Tuh kowos in mau ku in srumun nu sin fwil tok ouinge: