Text copied!
CopyCompare
Baibal Olcim - Tingtoeng - Tingtoeng 48

Tingtoeng 48:1-13

Help us?
Click on verse(s) to share them!
1Korah ca rhoek kah tingtoeng laa BOEIPA tah len tih a tlang cim kah Pathen khopuei ah a sang la thangthen ham tueng.
2Diklai pum kah a omthennah hmuensang Zion tlang tah a sakthen pai. Tlangpuei tlanghlaep te Manghai Puei kah khorha la om.
3Te khopuei kah impuei ah Pathen amah te imsang la ha tueng.
4Manghai rhoek loh tuentah uh thae tih tun khong uh ke.
5Amih loh a hmuh uh ngaihmang neh let uh tangkhuet tih tamto uh.
6Amih te thuennah loh cacun bungtloh bangla pahoi a phatawt.
7Khothoeng yilh neh Tarshish sangpho te na phae.
8Mamih loh n'yaak uh vanbangla caempuei BOEIPA kah khopuei te m'hmuh uh van coeng. Mamih kah Pathen khopuei te Pathen amah loh kumhal la a thoh ni. Selah
9Na bawkim khui ah Pathen namah kah sitlohnah te ka poek uh.
10Pathen namah ming bangla nang koehnah long khaw kho bawt duela boeih a pha tih na bantang kut ah duengnah soep.
11Namah kah laitloeknah dongah Zion tlang loh a kohoe tih Judah nu rhoek khaw omngaih uh.
12Zion ke hil lamtah vael lah. A rhaltoengim rhoek te tae lah.
13A rhalmahvong te na lungbuei ah kuem lah. Anih kah impuei te hmailong kah cadilcahma taengah na thui ham khaw hil lah.

Read Tingtoeng 48Tingtoeng 48
Compare Tingtoeng 48:1-13Tingtoeng 48:1-13