Proverbio 22:15-29

¹⁵Naisisigod di kinaong-ong di amin ay anak, ngem no soplitem, mabalin ay mabalbaliwan.

¹⁶Mo paligatem di nabiteg ta waday iyat mo ay bomaknang, bomiteg ka pay dedan. Siya abe mo isagotam di baknang.

¹⁷Nay di pamagbagan di masirib. Estem ay dengngen nan itdok en sik-a.

¹⁸Maragsakan kan to mo igtom dana sin nemnem mo ya kabaelam ay ibaga.

¹⁹Itdok dana en sik-a ed wani ay agew ta mantalek ka en Diyos.

²⁰Insolat ko nan tolonpo ay pamagbaga ay pakagon-odan si sirib.

²¹Say pangammoam si tet-ewa ya kosto ay isongbat mo sin nan-ibaa en sik-a.

²²Adi ka paligaten di nabiteg gapo anggoy ta magay kabaelan da, ya adi kan sowitiken sin pangokoman,

²³tan si Diyos di mangikalintegan en daida et peslena din mamaligat en daida.

²⁴Adi kan makigayyem sin mabonget ay ipogaw,

²⁵tan maalinan ka en daida et kaman kan nakna si tagdey.

²⁶Adi kan itakder di otang di odom ay ipogaw,

²⁷tan mo magay ibayad mo, alaen da din mismo ay kaseyseyepam.

²⁸Adi kan etanen din sigod ay beddeng ay in-amag di aap-o yo.

²⁹Mo nalaing ka ay man-obla, baken nababa ay ipogaw di pansilbiam mo adi et mansilbi ka sin ari.