Proverbio 19:9-12

⁹Sigurado ay madosan to din makaetek ya mangitistigos baken tet-ewa.

¹⁰Adi maibagay di mayat ay biyag sin naong-ong, ngem masepsep ay lawlaway kanemnemana mo iturayan di bag-en din ari.

¹¹Mo masirib ka, itpem di bonget mo. Kaidayawam mo palabsem di kamalin di gait mo.

¹²Mo bomonget di ari, kaman layon ay manngangaed, ngem mo malaydan et kaman din dono ay manibsibog si mola.