Proverbio 16:26-33

²⁶Gapo sin layad di ipogaw ay mangan, gomaget ay man-obla.

²⁷Din ipogaw ay magay silbi na yan say nemnemnemen da di panproblimaan. Pati din kali da yan domadael ay kaman manbidbidang ay apoy.

²⁸Lawa di mantayoktok, tan din apat yan pawadaena di ibaw ya dadaelena di panaggagayyem.

²⁹Din makedse ay ipogaw yan solisogena din iib-a na, tan awisena ay man-amag si lawa.

³⁰Din ipogaw ay manginenengneng ono mangililid-is en sik-a yan waday lawa ay panggep na.

³¹Din ando ay biyag et gon-gonan di nalinteg ay ipogaw, isonga kaman dan korona din oban da.

³²Maymayat di naanos ay ipogaw ay kabaelana ay mangitpe si bonget na mo din nalaing ay makigobat ay makabael ay mangabak si esa ay siyodad.

³³Manbobonot di ipogaw, ngem si Diyos di mangikeddeng si mapasamak.