Mithali 16:26-33

²⁶Hamu ya kibarua humfanyia kazi; njaa yake humsihi kuendelea.

²⁷Mtu duni huchimba madhara na usemi wake ni kama moto unaounguza.

²⁸Mtu mkaidi huchochea mafarakano na umbeya huwafarakanisha marafiki.

²⁹Mtu wa vurugu humdanganya jirani yake na kumwongoza kwenye mapito ambayo si mema.

³⁰Yule anayekonyeza kwa jicho anapanga njama za mambo ya ukaidi; wenye kuandama midomo yao watapitisha mabaya.

³¹Mvi ni taji ya utukufu; hupatikana kwa kuishi katika njia ya haki.

³²Ni bora kukawia kuwa na hasira kuliko kuwa shujaa na mwenye kutawala roho yake ni imara zaidi kuliko yule anayeuteka mji.

³³Kura hurushwa kwenye mkunjo, bali maamuzi hutoka kwa Yehova.