Proveps-Knare Nomaniza 6:22-32

²²Kama vanoma hananana ana kemo kazeri fatgo nehuno, kavu'ma masesanana kegva huneganteno, masenesampintima oti'sanana nanekea kasamigahie.

²³Na'ankure ama ana kasegemo'a rampe tavikna higeno, amama rempima huneramia kemo'a msa megeno, kazeri fatgohu kavumroma antea kemo'a, manizamofo ka me'ne.

²⁴Savri a'nemo'za kazeri hava huzankura ana kemo kza nehina, neve'enema mni fatgo osu savari avu'avazante vanoma nehania a'mofo haganentake ageru'mo'a kazeri havizana osugahie.

²⁵Ana a'mofo agi agonagura kegasanea osuge, atregeno kavazu hunaku'ma avuretima revumima hugamisia zamo'a kavazua osino.

²⁶Na'ankure savri a'enema mase zamo'a kazeri kefo regahianagi, vereti a'mo'ma kavazu haniana kasimu ka'a erigahie.

²⁷Akru huno neresia tevema hankeri kasumpima antesanana kukenaka'a azerino ontegahifi?

²⁸Teve zugu'ma neresifima kaga vapama vananana, kagagusa teonkasagegosifi?

²⁹E'ina hukna hugahane, tava'onka'arema nemanisia ne'mofo a'enema masege, monkozama hananana hazenke erigahane.

³⁰Aga'ma netenigeno nezama nesia zankuma kumzafama erisia vahera, rama'a tamarimpa kna hunontaze.

³¹Hu'neanagi ana ne'ma azerisageno'a, seveni'a zupa nama'aza eri'neo seveni'a zupa antegofetu huno miza segahie. Hagi upama hanuno'a, no'ma'afima ante'nesia fenoma'areti ene mizasegahie.

³²Hianagi ru ne'mofo a'enema maseno monkozama huntesia ne'mo'a, ana negi' avu'ava zama'areti agra'a azeri haviza nehie.