Proveps-Knare Nomaniza 5:9-21

⁹Anama hananana havi kagi e'nerinka, zahufafi kasefa vahe mani'nesanke'za, havi vahe'mo'za kazeri haviza hugahaze.

¹⁰Onke'nesana vahe'mo'za hanaveka'a atrenka eri'nanazana, e'nerisageno, knare zantamima amuho hunka eritru hunte'sana zantamina ru vahe'mo'za erigahaze.

¹¹Henkama frinaku'ma hanana knama esigeno'a, krimo'a kavufafina ra nehuno, kazeri zaferinage hinkenka karagi nerunka,

¹²anage hugahane, na'a higena navumaro kema nenasimige'na, nagokura hu'na navesra hunentena, nazeri fatgo nehigena, ana kea ontahi'noane hugahane.

¹³Nahige'na rempi hunami vahe'mo'zane, nazeri kante ante kema nasami'za vahe'mokizmi kea ontahi'noane hunka hugahane!

¹⁴Nagra mika vahe zmurera haviza hu'na keforoe hugahane.

¹⁵Ru vahe'mofo tintetira tina ono, kagra'a tintetike tina no, e'i a'ka'ane mani fatgo huzanku hu'ne.

¹⁶Amanefina tinka'a ome tagi atre, eme tagitre osuo. Kagra a'enenke'za maso.

¹⁷Atregeno kagri a'mofo suzanke meno, aru a'nenena monkozana osuo.

¹⁸Kasefama maninenka e'rinana a'ka'ane muse hunka mani'negeno, Anumzamo'a asomu hugantegahie.

¹⁹A'ka'amo'a dia a' afu'moma hiankna huno avesi avesi huno knare zantfa huneganteanki, amima'amo'a maka kna kavesizana kazeri knare nehina, kagrima kavesi kantenia zamo'a kazeri agrarega atrena agri avesizampi manigahane.

²⁰Neve enema mani fatgo hunoma omanisia a'nea mofavre'nimoka ke'negeno kavufgamo'a oraotino. Atregeno amima'arera kavrenteno kanura okino.

²¹Na'ankure Ra Anumzamo'a miko kama vano hunana, ke'ankereno refako huno tage'negeta vano nehune.