Proveps-Knare Nomaniza 31:2-9

²Nagrani'a narimpafinti'ma kasegante'noa mofavre'nimoke, Ra Anumzamofonte huvempa hugeno nami'nea mofavre mani'nane.

³Hanave ka'a a'nerera hunka otro. E'inahu a'nemo'za kini vahe'ma zamazeri havizama nehaza a'nerera osuo.

⁴Lemueliga kini vahe'mo'za aka tina onesageno, kva vahe'mo'za hanave tima nezankura zamavesi zamavesi osugahaze.

⁵Na'ankure aka tima nesuza kasegemofona zamage'nekaniza zamunte omane vahera zamazeri so'e osugahaze.

⁶Aka tina fri'zama nehanaza vahe nezamita, waini tina ra hazenkefima mani'naza vahe zaminke'za neho.

⁷Zmatrenke'za aka tina nene'za, zamunte omnea zanku'ene, ra knazama eri'naza zankura zmagekaniho.

⁸Kema hugama osu'nesia vahe'mokizmima, trate'ma zamavrente'za zmazeri havizama nehanageta, kea hutma zamaza hiho.

⁹Zamunte'ma omane vahe'ene, zamagra'ama zamaza hugama osanaza vahe'mokizmi knarezankura, fatgo huza refkoma huzmantesaza zankura keaga hunka zamaza hugahane.