Pend-nesihetler 23:6-12

⁶Ach közning nénini yéme, Uning ésil nazunémetlirini tama qilma;

⁷Chünki uning köngli qandaq bolghandek, özimu shundaq. U aghzida: — Qéni, alsila, ichsile! — désimu, Biraq könglide séni oylighini yoq.

⁸Yégen bir yutum taamnimu qusuwétisen, Uninggha qilghan chirayliq sözliringmu bikargha ketken bolidu.

⁹Exmeqqe yol körsitip salma, Chünki u eqil sözliringni közge ilmas.

¹⁰Qedimde békitken yerning pasil tashlirini yötkime, Yétimlarning étizlirighimu ayagh basma;

¹¹Chünki ularning Hemjemet-Qutquzghuchisi intayin küchlüktur; U Özi ular üchün üstüngdin dewa qilar.

¹²Nesihetke köngül qoy, Ilim-bilimlerge qulaq sal.