1Pakaiyin thu hi chengse hi Mosehenga a seijin ahi.
2Israel mite henga seipeh’in ngahmun chu dalhah uhen, koihi le mithi long tham kha’a atheng louva uma, adam lou jousen atham khah thei lou ding ahi.
3Hiche thu peh hi mi jouse numei, pasal jouse dinga kigah’na ding’a kipeh ahiye, amaho jouse chu ngahmun akonna chon doh’un ajeh chu hiche mun chu koiman asuhboh thei lou ding ahi.
4Hichun Israel mipiten Pakaiyin Mose thu apeh bang chun anit’un hitabang tah chun hitia um ho chu ngahmun’a kon in akichon doh sah’un ahi.
5Pakaiyin Mose henga thu aseikitin ahi.
6Anoija thupeh chengse hohi Israelmipi henga seipeh in, mipi holah’akoitabang pasal ahilou le numeihi jongle Pathen thupeh nit louvathil pha lou aloi agol henga, bol aumkhah leh amaho chu them mochang ding ahiuve.
7Ama hon a chonset na’u chu aphondoh diu, chule asuhkhelna chu hop-nga hopkhat chu asuh khelna pa apeh ding ahi.
8Ahinlah amapan asuhkhel chuahaimil tah’a asopi uleh na’u hengaalesah tah louva ahile hichu akihou champi ding, thil peh dingalom jouse chu Pathen’a ahi bangathempu ho chang ding, koi hilethemmo na neijousen Pakai hengakelngoinou ahin kai ding hicheachu maicham semma kisuh thengnaanei thei ding ahi.
9Israel ten pumgo thilto, thempupadinga ahin poh jouse’u aboncha’aama chan ding ahi.
10Thil theng pumgo maichamhung kitoh jouse chu thempu panphate cha’a aki koi ding ahiye.
11Chu in Mose komma Pakaiyinasejin ahi.
12Israel mite henga anoija thugahna jui ding hohi sei peh in, pasalmipa khat chun numei, amapa chudingdet jou louvin aum tan ahi.
13Chule numeinu chu Pasal dangtoh achonse tan, ahin lah hichechonset na chu aloipa ahin koimanhephata lou, amanu chun atahsaakisuh boh ahi tai, koi machanhetnin nei tahih hen lang koimachan hedoh tah hih jong leh, amanuchu akisuboh ahi tai.
14Hichun Pasalpa chu ahungthangthip lheh tan, Aloinu chuhatah in ahin gingmo lheh tan, hichu aloinu chu kisuh boh ahiahilou chu a hetnom tah jeh chun.
15Hiche pasal chun a in-neipi chu thempu pa masang a ahin pui lut ding, Olive thao chule Bego toh kihel lou Suhlou chang ki sudipucha ni ahin toh ding hiche chuthangthip maicham aloinu khellaahin toh doh ahin Hiche maichamhi ahileh a in-neipi hi kisuboh khahi tam ahi louleh apha atheng hijing nam tina ahiye.
16Thempupan hiche a Numei nuchu Pathen henga patep na’a dinsah ding ahiye.
17Thempu pa chun cha khon natuitheng a galah a vutdi a asunkhum ding hichu Houbuh maija Leitol a kon na leivui chu a kilahdoh a tuikhon sung’a chu alhah lutding,
18Thempu pan hiche numei nu chu Pathen henga ahin pehdoh teng leh, thempu pa chun amanu sam chualhaplhah peh a, amanu khutna chuginmona leh thangthipna maichamchu a ngap lhah a chu tengle a in-neipu ginmona chu atah ham tichuahet chen thei ding ahi. Hiche tengchule Thempu chun chakhon a tuithepmona neiho chunga sapset nahung chu ding khon chu a dop dingahi.
19Hiche teng chule Thempupan Numeinu chu a kitep sah’a hitia hiasei sah ding ahi, koi tabang pasaldang toh nana chonset khah lou lehchu leh nangma nana kipel lhuh louleh, Hiche tui kha tah na chung ngasapset na hung chu ding ho na thohjou ding himei tahen, ati.
20Ahinla, nana jon khah tah’a, nana che leng khah tahleh na In-neipu masang’a na ki tah jou tahlou jeh’a pasal dang toh nana kisuhboh khah tah a na hileh na tahsa na kisuhboh ahi tai.
21Hiche teng chu leh Thempu pannumeinu chu aki hahsel sah a mipijousen hihen Pa Pathen sapset nahona chunga alhun na hohi na naobuna suh bing peh tan chule na oipohna thongpoh mai tante, ati.
22Tu hin hiche tui kha tah hin natahsa chunga sepsetna hung lhungtahen, nathong hung poh ta hen chuleh na naobu jong ki khah bing meitahen, hiche teng chu leh numeinuchu hitia hi asei sah diu ahi, aphaihung lhung mei tahen ati ding ahi.
23Chule Thempupa chun hiche Sapsetna thu changho chu savunchunga ajih doh a hiche tuikha sunga chu a sop lhah ding ahi.
24Thempupa chun hiche tuikhatah chu numeinu chu adonsahding hiche sapsetna hung lut chun, hiche tui khatah chu adon lhah tengamanu tahsa chu hatah a dammoding hiche numei chu ana jon khah tah leh.
25Thempu pan hiche thangthipna maicham chu numeinu khutnapatna alah doh, Pathen masang adopsang ding chu leh maichamphung lang a achoi ding ahitai.
26Thempupachunhichechangbong ki sudim chu khutphang dim khat het jing ngailut namaicham phunga ahal vam atui chunumei chu adonsah ding ahi.
27Tahbeh in hiche numei nu chua jipa masanga ana kitah jou tahih henlang ana ki suboh khataleh, hiche tui sapsetna numei nuki don sah chun amanu chu hung dam talou ding sapset na jeh achu athong hung poh ding a naobujong ki khah ding ahi tai, hiche tengchule hiche numei chu asopi teholah a sapsetna kitia mi jousen ahetsoh ding ahi.
28Ahinlah numei nu chu ana thenjinga ana kisuh buh khah loulehamanu chu ima tilou ding naosenjong anei thei ding ahi.
29Hiche hi ginmona danthengkiphut doh khat chu ahi amavanghiche Numei chu aji-pipa masangnga ana ki suhboh ta hen lang hiledan pal keh chu ahi tai.
30Chule Pasal mipa khat hungthangtom tahen lang aloinu chu hinginmo kha taleh, hiche Pasal aloipaa in-neipi chu Pathen masanga apuitei ngai ahi. Hiche teng chuleh thempu hondan theng ginmona dan chu hiche Numeinu chunga dan chu um ding ahitai.
31Hiche thu avang a in-neipu vang themmo na anei lou ding, ahinlah Numei a loinun ama chonsetna jeha dan in themmo achen sah ding ahi.
