MAREKO 7:24-35

²⁴Unu amo e tore isi, Turo bona Sidono kahadia ela. Ruma ta ai e dae, ena ura be tau ta basine diba; to asi ena komu dalana.

²⁵A hahine ta natuna kekenina na lauma dikana ese e boloa, bena ia harina e kamonai ai na maoromaoro ela, aena badinai e goru diho.

²⁶Ia na hane Helene, Suro-fenise hahinena; bena e noia, lauma dikana na hari kekeni ena amo iaese baine lulua oho.

²⁷A ia ese e hereva henia, eto, Ruma memerodia bogadia bae kunu guna; badina be dia maoro memero adia bae abia, sisia bae taho henidia.

²⁸Hahine na e haere, eto, Lohiabada e, momokani; to sisia-sisia be pata henunai memero adia aniani momorudia e animu.

²⁹Bena ia ese hahine ma e hereva henia, eto, Emu hereva dainai vada aola: lauma dikana na natumu ena amo vada e lasi.

³⁰Bena hahine na ena ruma ela, kekeni na mahuta patana ai hekurena ai e davaria, a lauma dikana vada e lasi.

³¹Bena Turo tanona e rakatania, Sidono bona Hanua Gwauta tanodia e rakadia hanai, Galilea gohuna amo e lasi.

³²Bena haida ese taia-kudimabona lanalana tauna ta ia dekena e hakaua lao, e noia, imana na ia tubuana ai baine ato kau.

³³Iesu ese hutuma lalona arno e hakaua siri, kwaki-kwakina taiana ai e toi vareai, bona kanudina malana e dahulaia.

³⁴Bena guba ai e roha dae, e ḡanaḡana, eto, Efata (anina be “A kirara”).

³⁵Bena taiana e kirara, malana e maoro, e hereva ḡoevaḡoeva.