MARCOS 7:24-35

²⁴Wruu Jesus nga, za Ne nes Tiro no le nes Sidón. Lex wdee Ne te lenyuu; wlaandet Ne ne nyaknan mén ne wdxiin Ne nga, per wakdet gan ne nkarlaan Ne.

²⁵Waknangue te wnaa ne le Ne wdxiin nga. Rap wnaa guin te nzaap ne nuu menzab lextoo, lex wa men wzuzhib men lo Ne,

²⁶wnab men lo Ne ne koo Ne menzab lextoo xsaap men. Nakdet men men-Israel, sinke le men nak men-Sirofenicia.

²⁷Per re Jesus lo men: ―Rap mén degne ydee men si gu zhiin men primer, porke ngyidet ne ygyitxee men ne ru zhiin men chen ynii meno lo mëëk.

²⁸Wke men re men: ―Nli we Dechey; per axtegue mëëk ne zu zhiin mezh ru ne byu ne ratxee nya minwin.

²⁹Orguin re Jesus lo men: ―Por ne na de zegwa, gugya. Le menzab che wruu lextoo xsaap de.

³⁰Chene wdxiin men ruxyuu men, wii men le xsaap men che nex lo loon; che wruu menzab lextoo nzeb.

³¹Wruu Jesus nes Tiro ste, wdee Ne nes Sidón no le nes Decápolis, wdxiin Ne runis-Galilea.

³²Nga wdxinno mén te mgyeey lo Ne, nkwëët mgyeey guin no rninga men; lex wnab mén lo Ne ne yxob nya Ne led mgyeey guin.

³³Orguin wano Jesus mgyeey guin tebkoo ledne yëtet mén. Lex wsee xkwen Ne lengyedyag men no wtxonxen Ne nya Ne, lex wtee No lo loz men.

³⁴Zhich guin wii Ne gyeybaa, wonleedx Ne, lex re Ne: ―¡Efata! ―diizree rna: ¡Gugyal!

³⁵Orgueguin wdee bnii gyedyag mgyeey guin, no wakwen loz men, wnixnëz men.