MAAKU 7:24-35

²⁴Yesu bò gwe à gɛ̀ɛ Taya bùsun, akũ à kìpa bɛ kea. À ye ò a dↄ̃ro, ama adi le à a zĩda ùtɛro.

²⁵Nↄgbɛ̃ kũ a nɛ́nↄkpare tãna vĩ Yesu baaruu mà, akũ à sù à wùtɛ a arɛ gↄ̃̀nↄ.

²⁶Nↄgbɛ̃ pì sↄ̃ Giriki gbɛ̃mɛ ò a ì Siria Fenisia bùsun. À wɛ́ kɛ̀ Yesua de à tãna goarɛ a nɛ́a.

²⁷Akũ Yesu pìnɛ: Ǹ tó ò pↄ́ble kpá nɛ́nↄa gĩa, zaakũ à mana ò nɛ́nↄ pↄ́ble sɛ́ ò zu gbɛ̃danↄnɛro.

²⁸Akũ nↄgbɛ̃ pìi wèa à pì: Dikiri, bee gbɛ̃da kũ òdi wútɛńyĩnↄ dì nɛ́nↄ pↄ́ble bùru sɛ́sɛ.

²⁹Yesu pìnɛ: Kũ n yãwenama mana yãi, ǹ tá, n nɛ́ tãna gòa.

³⁰Kũ à kà bɛ, à a nɛ́ lè wútɛna pɛ̀ɛa, tãna pìi gòa.

³¹Akũ Yesu fùtɛ Taya bùsun à gɛ̀ɛ Sidↄ̃, akũ à bↄ̀tɛ kũ Wɛ̃tɛmɛnkuri bùsuuo ari à gɛ̀ɛ à kà Galili sɛ̀bɛɛi.

³²Akũ ò sùnɛ kũ sãto bebekariio, ò wɛ́ kɛ̀a de à ↄ naa.

³³Yesu bò pari gũn kũ sãto pìio à a ↄnɛterere pɛ̀pɛ a sãn. Kũ à lɛ́'i sù, akũ à ↄ nà sãto pì nɛ́nɛa.

³⁴À wɛ́ sɛ̀ musu à wesa kàkara à bò, akũ à pìnɛ: Ɛfata. Yã pìi pì ǹ wɛ̃.

³⁵Zaa gwe gↄ̃̀nↄ gↄ̃gbɛ̃ pì sã wɛ̃̀ a nɛ́nɛ fùtɛ, akũ à yã ò swáswa.