مَرَكِ 7:24-35

²⁴عِسَ نَشَ كٍلِ مّننِ، عَ سِفَ تِرٍ بْشِ مَ. عَ نَشَ سٌ عَ يِفِيَدٍ. عَ مُ نُ وَ مَ مِشِ يٌ شَ عَ يِرٍ كٌلٌن، كْنْ عَ مُ نْ عَ نْشُندٍ.

²⁵فِنّ ندٍ نُ نَ، حِننّ نُ نَشَن شَ دِ فِنّ قْشْ رَ. عَ تٌ عِسَ شَ قٍ مّ، عَ نَشَ قَ عَ يِرٍ، عَ سُيِدِ عَ بّ.

²⁶يُوِقِ شَ مُ نُ يِ فِنّ رَ، عَ نُ بَرِشِ سِرِيَ قٍنِسِيَ نّ. عَ نَشَ عِسَ مَيَندِ، عَ شَ حِننّ كٍرِ عَ شَ دِ فِنّ قْشْ رَ.

²⁷عِسَ نَشَ عَ يَابِ، «عَ لُ دِ مّيٍ نَن سِنفٍ شَ عٍ دّفٍ، بَرِ مَ عَ مُ لَن تَامِ شَ بَ دِ مّدِيٍ يِ رَ، عَ سَ بَرٍيٍ بُن.»

²⁸فِنّ قَن نَشَ عَ يَابِ، «مَرِفِ، عِ نْندِ، كْنْ بَرٍدِ نَشٍيٍ نَ تٍيبِلِ بُن مَ، عٍ قَن دِ مّيٍ شَ دٌنسٍ دٌنمَ نَشَن بِرَ مَ بْشِ.»

²⁹عِسَ نَشَ عَ قَلَ عَ بّ، «عِ شَ يَابِ شَ قٍ رَ، سِفَ، حِننّ بَرَ فبِلٍن عِ شَ دِ فِنّ قْشْ رَ.»

³⁰فِنّ تٌ فبِلٍن عَ شْنيِ، عَ نَشَ عَ شَ دِ لِ عَ سَشِ سَدٍ مَ، حِننّ بَرَ فبِلٍن عَ قْشْ رَ.

³¹عِسَ نَشَ كٍلِ تِرٍ بْشِ، عَ دَنفِ سِدْن، عَ فبِلٍن فَلِلٍ بَا مَبِرِ، تَا قُ بْشِ مَ.

³²عٍ نَشَ قَ تُلِشْرِ ندٍ رَ عَ شْن مَ، وْيّنقٍ شْرْشْشِ نَشَن مَ، عٍ عِسَ مَيَندِ عَ شَ عَ بّلّشّ سَ عَ مَ.

³³عِسَ نَشَ تُلِشْرِ تٌنفٌ حَمَ يِرٍ، عٍ سَ تِ عٍ شَتِ مَ. عِسَ نَشَ عَ بّلّشّسٌلٍيٍ رَ سٌ تُلِشْرِ تُلِيٍ كُي، عَ عَ يّتّ كَن دّيٍ سَ عَ نّنيِ مَ.

³⁴عَ نَشَ عَ يَ رَتٍ كٌورٍ، عَ عَ حّنفِ رَتٍ عَ بٍلٍبٍلٍ رَ. عَ قَ عَ قَلَ تُلِشْرِ بّ، «عٍقَقَتَ!» نَ نَن قَلَشِ عٍ شَ شُي، «عِ شَ رَبِ!»

³⁵عَ تُلِيٍ نَشَ قٍ مّ كٍرٍن نَ، عَ نّنيِ قَن نَشَ كٍلِ، عَ نَشَ وْيّن قْلْ عَ قَنيِ رَ.