41Tsono iwo alibe kubvuma na kukomedwa. Na tenepo adasusumwa ndipo Jezu adawabvundza kuti: “Kodi muna cakudya pano?”
42Ndipo iwo adamupasa cibai ca ntsomba ya kuwocha.
43Ndipo iye adadya, iwo aciwona na maso.
44Na tenepo Jezu adawauza kuti: “Ndibzimwebzi bzomwe ndikhadakuuzani kale kuti: 'Bzidzatewezeke bzentse Bzakunembedwa kwa ine m'bukhu la ntemo wa Mozeji na Apolofeta na m'Masalimu.'”
45Ndipo iye adawafungula misolo kuti abvesese Bzakunembedwabzo.
46Na tenepo adawauza pomwe kuti: “Bzidanembedwa kuti Krixtu an'dzabonera. Ndipo acidzamuka pakufa ntsiku yacitatu yace.
LUKA 24
LUKA 24:41-46