Lucas 24:41-46

⁴¹Imẽnpit itabut g̃u ma buk o'e ip Jesus kay jecokcok pibun, yag̃uybabi'ũm'ũm ip puye. — Ajo opop eyxe i'o am? — Jesus tak o'e cebe ip.

⁴²Axima yoyoy o'g̃ũm ip cebe i'o am.

⁴³O'jat. Etabutpe ip o'jo'o.

⁴⁴G̃ebuje o'jekawẽn ceweju ip. — Moisés apẽn warẽmtag̃ itakomaayũ okuk iaptup o'tupmubararak, Deus ekawẽn muwẽnuwẽn'ukayũ'ũm'ũm tak — io'e. — Davi dak apẽn warẽmtag̃ ip okuk iaptup o'tupmubararak Salmodup pe―jebibododonaptup pe — io'e. — Ixeyũ'ũm'ũm emudupmubararakatup pe iap tag̃ ma ip okuk ikẽrẽm — io'e. — Eyweju õn pima iboap og̃uwẽn eywebe — io'e Jesus.

⁴⁵Ixeyũ mutaybitbin o'e apẽnape Deus ekawẽn iam.

⁴⁶— Imẽn e'em ig̃odup: Deus emunaẽ juy ipiat supi'ajo, i. Je'ũ juy, i. Xepxep xet kap puje, waram jetait g̃uto, i.