Luka 24:41-46

⁴¹Eme jaŋe bujeŋic biaŋkeme dâŋticne mi mamana mâc wareckehuc ŋepie wio‐jarerâ muwec:

⁴²“Nânâ‐ŋeŋic moc fokac me?” Eme jaŋe opâ qowi ʒegoc ʒakicne moc râcnerâ

⁴³honehapie ro nâc ewec.

⁴⁴Erâ ʒiŋuc jazawec: “No ŋoŋehec juhuc kecʒiŋuc ŋaza jupac: ‘Mosere sâcmutâc dâŋqâhâcko â porofete jaŋere papiao â miti mânecko nore findaŋdâŋ qâreŋkekicne, i fârinehec efâreocmu.’”

⁴⁵Eme miti papiao dâŋqâreŋ fokac irec fuŋne ritu‐jarekume maŋjeŋic uŋtowec.

⁴⁶Ehuc jazawec, “Kristore ʒiŋuc qâreŋkekicne: ‘E ʒâic manaku hâmorâ ʒoaŋ jahec â moc eha hâmockonec ɋârerâ fahareocmu.’