41Iesus hele ke mau pe hulua nemur leteria nachnai kura iange te iech toto. Ol pe Iesus onteia iri, “A talue ngaunga unne kau?”
42Pe te mene ruo kalum ngana elle ke te laia nge i.
43Iok laol, Iesus mene ruo neu pe ngau sapele nga hulua nemur mataria.
44Ke het pe hele lange iri, “Ure nenge etu luluch nge imo pe e heleleia, ngana koi lohot nei. Iange hasinga nenge Moses pe hetatalonga mur pe nga alalaha nenge Sam te tuatautaua iau. Pe ure nemur lape te lohot ke mamanna nga NeHalang lemene ngana.”
45Ol pe Iesus helete metene iri ke te eteia NeHalang nena helenga mur.
46Pe hele lange iri ke pomai, “Helenga nenge tehas sue, tang ke mai koi: Kristus lape takisia melmelenga palaungana ke mete pe nga etue mol ngana lape maul haka mule.
Lukas 24
Lukas 24:41-46