Luke 24:41-46

⁴¹Gi dudukughedo, ne ivuga useri. Avata ne manamana use tumonduseri. Ava gido, Iesu ategi usira, “Nemokena bayau eni iraeri?”

⁴²Aminge setiri, oka eni iti fitero irisira ava, mutero

⁴³budo, nenda dombuda risira.

⁴⁴Mindido, nemokena sisira, “Namonde deinghuse, na rea sedo ghusena ava, oroko eminda beká siroretiri eregosevere. God da Geka aminda, Moses a God da feroveta rea nandae gefusera, a kotugo Yaru Buku jokáda rea nandae gefusera amo, beká sirorarira. Ava sedo, beká evia siroretiri eregosevere.

⁴⁵Aminge sise, God da Geka ava dubo kote gogoghombaoro dae sedo, setiri nenda kotari afigusira.

⁴⁶Afigetiri, nu nemokena sisira, “God da Geka eminge resira: ‘God nu evetu genembo da ari ekoko kote doyari dae sedo, Genembo eni mutari sisira amo, giti mema itatamedo ambudo, sifo etodaba naká ainda amboda, sekago ambarida ghe jebuge erarira.