Luke 24:41-46

⁴¹Rernemap inkwerelhew apatemel, ywarn iterremel. Rap ayernew-anem, “Amern-then aker-then atnyeneyel apek?”

⁴²Rernemap renh anthew aker aylperr, arrwekel-anteyarl ampernew.

⁴³Rap aylperr inew, arlkwemel anngetherr ikwer-rnem-itwew.

⁴⁴Rap angkew ikwer-rnem, “Arrantherrap ayenh anngel-anem arem, ayengarl itetherrew angkep ipmepenh. Aleyan inngarl ayntem, atharl ilenh arrwekel-antey, anantherrarl ingkerr anenheng-arey. Moses-el-then angkakert Akngey-wenh-rnemel-then rernem angkethen aylelhenty-then atyeng-akert ingkwernew awank-akerr. Rernem ilenh, ayengarl angkep itetherreyenh ipmethey. Aleyanap innganem.”

⁴⁵Rap angka Akngey-wenh ilenh, anayntelemel ikwer-rnem, rernemaw mwanty awelheyew.

⁴⁶“Alakenh aynteyelan pip Akngey-wenhel. Akngeyel arretengelew, ayenh Jesus Christ thweneyew. Ra angkew, rernemarl ayenh ipmew atweyenh, pwarrk anthemel artewenty. Rap angkew, ingwa atherr-penharl ayeng itetherreyenh arrpemarl ipmepenh.