Lokasu 24:41-46

⁴¹Gi ralixawana wa rumuwleyna ga wa ruglajreyna. Wane chinna, “¿Gi ge waneygi gewi pagixanu niikaluru?”

⁴²Giyagni wanna psoji shima jimkaluro ganikyegitlu.

⁴³Ga wa Wale yoptotlo. Wanna getanu nikatka.

⁴⁴Ga wa Wale wane chinna, “Tyenwa ntokanu nunkakyagi wa gixa yegi nwanatiniwa. Wa rumkata poyagkaakota pejnurkakako Gitapirana yonatkaluru, wa Moysisi Tokanu Yokanatkaluruya, ga wa Goyakalu tokanu geneklewatachine kirukateya, ga wa Shikalchi kirukateya.”

⁴⁵Giyagni kotpukanshinikanutatkana wa rumata jemyapluna yonatkalurkaka.

⁴⁶Ga wa wane chinna, “Wane rixyongata, wa Kristo salewninripa ga wa mapgogne chininripa yotunotinripa gipnachinetskalaya.