SAN LUCAS 24:41-46

⁴¹Ate nducote a̱ma cuahn ino ihyan chahn ma̱n, a̱ma yeno ye ma̱n ne, nde ametah cotahno ye. Chemin che tumerune Dihvo vo ihyan chahn: ―¿A va deh che chuh vo muhn ne?

⁴²Tuhme ca̱h ihyan chahn a̱ma ndi ya̱hca ndiyuche nduco a̱ma ndi va̱conedih yahn.

⁴³Cheh ye ma̱n, chih ye ma̱n, na̱n ihyan chahn.

⁴⁴Ra̱hn ye ri ye ihyan chahn: ―Cuahn che nduco cá nchuhn ne, a te cuandé nchuhn te va che conahn nducuahn che nihnde ca̱de che cuahno có, nduhca̱ che a ndirun na̱n ley che dirun Moisés ma̱n, nduhca̱ che dirun ihyan profeta ma̱n, nduhca̱ che ndirun na̱n libro yahn Salmo ma̱n.

⁴⁵Tuhme din Dihvo vo che chenahn ihyan chahn Ndudo yahn Dendiohs,

⁴⁶ne ra̱hn ye: ―A tihca̱ va che conahn nducó nduhca̱ che a ndirun na̱n Ndudo yahn Dendiohs. U che a va ca̱de che chí, ndedeváhn ihyan iyehnse ne, a tihca̱ nihnde ca̱de che ca̱hno se u nduhca̱ a chi. Namin a nihnde ca̱de che cuihno ino ro ne, ntuché va̱n tena̱hn.