Luk 24:41-46

⁴¹Bat olabat stil nomo bin bilib, dumaji olabat bin hatjamp en gudbinji detmatj. Wal Jisas bin askim olabat, “Yumob garram enijing blanga dagat?”

⁴²Wal deibin gibit im kukwan fish,

⁴³en imbin dagat en deibin lukinat langa im.

⁴⁴Afta na imbin dalim olabat, “Blanga dislot ting na aibin oldei dalimbat yumob basdam. Ebrijing weya deibin raidimdan langa det oltestaman blanga mi bin hepin trubala. Ebrijing bin hepin trubala weya Mosis bin raidimdan en weya detlot speshalwan mesinja bin raidimdan en weya King Deibid bin raidimdan langa detlot song du.”

⁴⁵Wal Jisas bin meigim olabat sabi brabliwei wanim det oltestaman bin tok blanga im,

⁴⁶en Jisas bin dalim olabat, “Dijan na wanim im tok langa oltestaman. Im tok det Boswan gulum Masaiya garra dai, en im garra gidap laibala thrideistaim.