LUKA 22:12-31

¹²Bena ia ese atai daiutuna badana ta baine haheitalaimui, vada e iravaia vaitani. Unuseni ai ba heḡaeḡae.

¹³Bena raruosi ela, ia ese e gwaurai guna ḡaudia e davari; bena Lagauhanai e dabaraia.

¹⁴Negana vada e gini dae ai, ia na ena aposetolo taudia ida e ege diho.

¹⁵Bena ia ese e hereva henidia, eto, Vada na ura bada hari ina Lagauhanai baitama ania hebou guna, murinai hisi bama ani.

¹⁶Badina be na hamaoromuimu, lau na Lagau-hanai basina ania lou ela bona anina korikori baine hedinarai Dirava ena basileia lalonai.

¹⁷Bena kehere ta e abia, e hanamoa, eto, Ina na avabia, iboumui ai ba inua.

¹⁸Badina be na hamaoromuimu, lau na vine ranuna basina inua lou ela bona Dirava ena basileia baine kau.

¹⁹Bena flaoa atagana ta e abia, e hanamoa, e bitua, e henidia, eto, Lau taugu binai, umui daimui ai vada e heni; ini ba kara toma, lau ilalolaigu.

²⁰E aniani vaitani, bena ia ese kehere ma e abia, eto, Ina kehere na herohemaino matamatana lau raragu ai, umui daimui ai baine hebubu.

²¹Taogu itorena tauna imana na pata latanai, ina lau ohegu ai.

²²Momokani, Taunimanima Natuna vada be laomu, e gwaurai guna heḡereḡerena, a taona itorena tauna madi ihabaina.

²³Bena sibodia e henanadai heheni, idia daika unu baine kara toma.

²⁴Ma sibodia e hapapahuahu heheni, idia daika vada e herea.

²⁵Bena ia ese e hamaorodia, eto, Bese idau-idau edia pavapava ese e lohiadiamu; bona hanua idau-idau taudia ese edia lohia e heatolaidiamu.

²⁶To umui na dia unuheto: umui bogaragimui ai tau guna na tau muritai ai bainela, bona hahekau tauna danu hesiai tauna ai bainela.

²⁷Hereana be daika: aniani gabuna ai e ege dihomu tauna, eiava hesiai tauna? Aniani gabuna ai e ege dihomu tauna ani? Lau be umui bogaragimui ai hesiai taugu na heto.

²⁸A umui be e dibaḡaniguva negadia ai dekegu ai o noho tarikatarikava taumui;

²⁹taunabunai, Tamagu ena basileia ta lauegu vada e gwauraia heḡereḡerena, lau danu basileia ta umui emui na gwauraiamu;

³⁰bena egu basileia lalonai egu pata ai bavaniani bona ba inuinu, bona terono ai ba helai kau, bena Israel iduhudia gwauta-ruaosi ba hahemaoro henidia.

³¹Simona e, Simona e, na hamaoromuimu, Satana ese umui iboumui ai vada e gwauraimui, baine tapomui hidi uit na heto.