4Ma inđaren šljanpiko ni trasta ni urajimase ke pingre, thaj dok phiren ma ačhen te vačaren ko drom khanikasa te ma hasaren tumaro vreme.
5Kana den an nesavo čher angleder vačaren: “Mir ane kava čher.”
6Ako gola so bešen ano čher manđen o mir, o mir ka avol pe lende, ako ni manđen ka iril pe tumenđe tumaro mir.
7Kana đan an nesavo čher, ma tar gova čher đan ke aver. Ačhen ke gova čher, thaj xan thaj pijen so isi len, golese kaj o bučarno dostojno si pe platače.
8Kana den ane nesavo foro thaj gothe manđen tumen, xan so anen angle tumende.
9Sastaren e nasvalen save si ane gova foro, thaj vačaren lenđe: “Kava sikavol tumenđe kaj si o carstvo e Devleso paše.”
10A kana đan an nesavo foro thaj ni manđen tumen gothe, ikljen ko drom lengo thaj vačaren:
11“Thaj o praho taro tumaro foro savo si pe amende kosa amendar sar znako da o Dol ka sudil tumenđe. Al te đanen paše avilo tumenđe o Carstvo e Devleso.
12Vačarav tumenđe kaj i Sodomaće ka avol po lokho ko đive e Sudoso nego gole manušenđe gole forose!
13Pharo tumenđe, manušalen taro Horazin! Pharo tumenđe, manušalen tari Vitsaida! Golese te čerdonasa e čudura ano foro Tir thaj ano foro Sidon sar tumende so čerdile, dumutane bi pokajinape thaj bi bešena urade ano dorikalo pohtano thaj ano praho.
14A e manušenđe taro Tir thaj e manušenđe taro Sidon ka avol poločhe ko sudo nego tumenđe.
15A tumen manušalen taro Kafarnaum! Đi o nebo li ka ušten? Ka peren đi ko than kaj si e mule–Had.
16Thaj vačarda pe sikadenđe: “Ko tumen ašunol, man ašunol, thaj ko tumen čhudol, man čhudol. Ko čhudol man, čhudol e Devle savo bičhalda man.”
17Kana irisajle kola eftavardeš thaj duj sikade radosno vačarde e Isusese: “Rajo, e benga pokorisajle amenđe ke ćiro alav.”
18A o Isus vačarda lenđe: “Me dikhljem e Sotona sar pelo taro nebo sar munja.
19Ak dijem tumen zor te ačhen pe sapa thaj pe škorpije thaj pe sa o vlast e dušmaneso, thaj khanči ni ka avol tumenđe.
20A golese tumen ma aven radosna so e duxura pokorinpe tumenđe, nego aven radosna so tumare alava pisime ko lil e Devleso ano nebo.”
Luka 10
Luka 10:4-20