LUKU 10:4-20

⁴Ásun ↄgↄsↄ̃nↄ sɛ́ro ke bↄ̀kↄlokona ke kyatenↄ. Ásun zɛ zɛ́n à fↄ kpá gbɛ̃kearo.

⁵Ɔn kũ a gɛ̃n pínki à pi gĩa Luda ↄn pì gba aafia.

⁶Tó aafiade kú gwe, á fↄↄ aafiade ni gↄ̃nɛ. Tó à kú gwe sↄ̃ro, ani ɛra à suáwamɛ.

⁷Àgↄ̃ kú ↄn pìi gũn, à pↄ́mina ke pↄ́ble kũ ò kpàáwa ble, zaakũ zĩkɛrii kà à a láada le. Ásungↄ̃ kipaki lilin kɛro.

⁸Wɛ̃tɛ kũ a gɛ̃n akũ ò á sí, à pↄ́ kũ ò sùoárɛ ble.

⁹À wɛ̃tɛ pì gyãrenↄ werekↄ̃a, à o gbɛ̃nↄnɛ kpata kũ à bò Luda kĩnaa kà kãni kũńwo.

¹⁰Tó a gɛ̃ wɛ̃tɛ gũn, tó odi á sí sↄ̃ro, à bↄtɛ gãnulɛa à pi:

¹¹Bee á wɛ̃tɛ lukutɛ̃ kũ à kpà ó gbála se, o wàra á tona kũ Ludaoo sèeda ũ. Àgↄ̃ dↄ̃ sãnsãn kũ kpata kũ à bò Luda kĩnaa kà kãni.

¹²Matɛn oárɛ, yãkpatɛkɛgↄrↄ zĩ wɛ́tãmma kũ Sↄdↄmudenↄ ni le nigↄ̃ sã̀na de wɛ̃tɛpidenↄ pↄ́la.

¹³Waiyoo Kↄrazĩdenↄ! Waiyoo Bɛtɛsaidadenↄ! Tó ma daboyã kũ ma kɛ̀ á tɛ́nↄ kɛ̀ Taya kũ Sidↄ̃o yã, de wɛ̃tɛpidenↄ uta kasanↄ dàda, ò vùtɛ tuburaa à gìi kɛ̀ nɛ̀sɛlitɛnaa sèeda ũ.

¹⁴Yãkpatɛkɛ-gↄrↄ zĩ á wɛ́tãmma nigↄ̃ de Tayadenↄ kũ Sidↄ̃denↄ pↄ́la.

¹⁵Á Kapɛnamudenↄ sↄ̃, áni gbã à zↄ̃ Ludaan yá? Oni ↄ sↄ̃ái ari gyãwãn.

¹⁶Akũ Yesu pì a ìbanↄnɛ: Gbɛ̃ kũ à á yã mà ma yã màmɛ. Gbɛ̃ kũ à gìái gìmaimɛ. Gbɛ̃ kũ à gìmai sↄ̃, ade gì gbɛ̃ kũ à ma zĩimɛ.

¹⁷Gbɛ̃nↄn baaakↄ̃ akuri awɛɛpla pìnↄ gɛ̀ɛ, akũ ò ɛ̀ra ò sù kũ pↄnnao ò pì: Dikiri, bee tãnanↄ mìi nàtɛwɛrɛ n tↄ́ yãi.

¹⁸Yesu pìńnɛ: Ma Setan è à lɛ̀tɛ bona ludambɛ lán legũpinaa bà.

¹⁹Ma á gbá zɛ́ à táa o mlɛ̃̀nↄ kũ fínↄ kũ á ibɛrɛ gbãna pínkinↄa, pↄ́ke ni á kĩnnaro.

²⁰Bee kũ abireo ásun pↄnna kɛ kũ mì kũ tãnanↄ dì natɛárɛoro. À pↄnna kɛ kũ á tↄ́ kú takadan ludambɛ yãi.