JOSUA 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Eme Judare guru garikiŋfâc‐jeŋic jaŋere sâc mâreŋ rukec qajarepie qaŋeŋne Edom mâreŋko fisiwec. Ehuc Ziŋ mâreŋ burocne juwic jâmbâŋ hurâ rawec.

²Eme jaŋere ma i juwic Hâwec Hâmocne tataranao hâwec raʒikicne fokac irecnec fuŋkerâ mâreŋ juwicpec rawec.

³Erâ mâreŋ juwicpec jaha raku Akerabim heâŋ fotâcnerâ Ziŋ mâreŋko fisiwec. Ehuc Kadesi‐Baranea juwicpec Hezoroŋ haeopec feraku Adari haeo fisiwec. Ehuc bâŋorierâ Karaka haeo fisiwec.

⁴Erâ raku Azamoŋ haeo fisirâ fotâcnerâ Aigita opâopec raku hâwecko mickewec. Izi hâcne mâreŋ juwicpec irec majeŋic ewec.

⁵Eme ʒoaŋ wewefunaopec irec ma ine Hâwec Hâmocne qacnerâ feraku Jordaŋ micnao fisiwec. Â mâreŋ faicpec irec ma ine Jordaŋ micnao hâwec raʒikicne irecnec ferawec.

⁶Eme ma izi Bete‐Hogela haeo fisirâ fotâcnerâ Bete‐Araba hae faicnao fisiwec. Erâ feraku Rubeŋte ŋokâ Bohaŋ ere qânâ ŋewecko fisiwec.

⁷Erâ Akoro wâneŋkopec feraku Debiri haeo fisirâ faicpec jaha raku bâŋorierâ Giligali haeopec rawec. I Adumin heâŋ‐ticne irec ŋifecnao juwicpec wâneŋ forakac izi ma ewec. Eme ma i ʒuhuckerâ raku Eŋ‐Semesi opâo fisirâ fotâcnerâ raku Enerogele haeo mickewec.

⁸Erâ ʒuhuckerâ feraku Hinom ŋokâ‐ticnere wâneŋ fotâcnerâ Jebusi ŋic jaŋere tikio Jerusalem hae ŋewec irec tapine juwicpec fisiwec. Erâ feraku tiki botâŋnao fisiwec. Tiki izi ine Hinom wâneŋ ʒoaŋ huhunaopec foha faicpec Refaim wâneŋ mickekacko ŋewec.

⁹Eme tiki botâŋnaonec ʒuhuckerâ raku Nefitoa opâ ʒâŋeo fisiwec. Eme irecnec raku Eforoŋ tiki irec hae ŋerawecko fisiwec. Eme irecnec ŋehasickerâ Bala hae, Kiriati‐Jearim hâcne, ira fisiwec.

¹⁰Eme Bala haeonec ʒoaŋ huhunaopec ŋehasickerâ Seiri tikio fisi fotâcnerâ raku faicpec Jearim tiki, Kesaloŋ hâcne, irec ombâŋnao fisiwec. Ehuc Bete‐Semesi haeo hurâ Timina haeopec rawec.

¹¹Erâ mazi faicpec tiki ombâŋnao fotâcnerâ raku bâŋorierâ Ekoroŋ haeo fisiwec. Erâ raku Bala tikio fisi fotâcnerâ Jabinele haeo rawec. Erâ raku hâwecko mickewec.

¹²Eme ʒoaŋ huhunaopec ine Hâwec Sâko qacnerâ ferakac izi majeŋic ewec. Eme i hâcne Juda guru garikiŋ‐jeŋic sâc mâreŋ majeŋic ewec.

¹³Wofuŋzi Josua mutâcnecnewec irec sâcko Jefune ŋokâ‐ticne Kalebe Judare guruo mâreŋ dâkâne moc Arabare hae, Heboroŋ hâcne, i râcnewec (Aroba e Anakare mamac).

¹⁴Eme Kalebezi Anaka ŋokâfâc‐ticne jahec â moc: Sesai, Ahimaŋ â Talamai jaŋe mâreŋ irecnec jopa jâpec ejarewec. Jaŋe Anaka ere ɋâricfâc hâcne.

¹⁵Eme irecnec ine Debiri haere ŋecjucfâc jopaocte rawec. Debiri haere ʒâŋe ine mârâc Kiriati‐Sefe iŋuc fowec.

¹⁶Eme Kalebezi muwec: “Moc e Kiriati‐Sefe ŋic imac‐joparâ hae i rome otâ‐nane Akisa ŋonâŋ‐ticne eocte râcnepemu.”

¹⁷Eme Kalebe ɋaticne Kenaʒi ere ŋokâ Otinie eki hae i rowec. Eme Kalebezi otâ‐ticne Akisa râcnewec.

¹⁸Eme ŋokac e fisime hesarac mâreŋte mamac‐ticne wiocneocte ŋowenezi ʒoɋac ecnewec. Eme doŋgionec wahame Kalebezi wiocnerâ muwec: “Wemo wiacte egarekac?”

¹⁹Eme eki âzâcnerâ muwec: “Negebe mâreŋko râecnumeŋ irec wiac moc tahacnuc, ehuc opâ ʒâŋe wâc narec.” Eme Kalebezi opâ ʒâŋe faic â juwic i mâmâc râcnewec.

²⁰Judare guru jaŋe garikiŋ‐jeŋic sâc hae mâreŋ ro rauc embiŋ ʒi hâcne.

²¹Judare guru jaŋere hae mâreŋ juwicpec Edom mâreŋ mao ŋerawec ine ʒiŋuc: Kabezele, Edere, Jaguru,

²²Kina, Dimona, Adada,

²³Kedesi, Hazoro, Itinaŋ,

²⁴Ʒifi, Telem, Bealoti,

²⁵Hazo‐Hadata, Kerio‐Hezoroŋ, (Hazoro hâcne),

²⁶Amam, Sema, Molada,

²⁷Haza‐Gada, Hesemoŋ, Bete‐Pelete,

²⁸Haza‐Sua, Bere‐Seba, Bizioteja,

²⁹Bala, Iim, Ezem,

³⁰Elitoladi, Kesili, Horima,

³¹Zikilaga, Madimana, Saŋsana,

³²Lebaoti, Silihim, Aiŋ â Rimoŋ. Hae kâcɋene 29, erâ kâkâcɋene gâcne mâmâc.

³³Eme wâneŋko ine Esitaoli, Zora, Asina,

³⁴Ʒanoa, Eŋ‐Ganim, Tapua, Enam,

³⁵Jaramuti, Adulam, Soko, Aʒeka,

³⁶Saraim, Aditaim, Gedera, â Gederotaim. Hae kâcɋene 14, erâ kâkâcɋene gâcne.

³⁷Zemaŋ, Hadasa, Migi‐Dalaga,

³⁸Dilaŋ, Mizipe, Joketele,

³⁹Lakisi, Bozakati, Egeloŋ,

⁴⁰Kaboŋ, Lamasi, Kitilisi,

⁴¹Gederoti, Bete‐Dagoŋ, Nama â Makeda. Hae kâcɋene 16, erâ kâkâcɋene gâcne.

⁴²Libina, Eteri, Asaŋ,

⁴³Ifita, Asina, Nezihi,

⁴⁴Keila, Akaʒibi â Maresa. Hae kâcɋene 9, erâ kâkâcɋene gâcne.

⁴⁵Ekoroŋ hae, erâ hae kâcɋene â piticne gâcne.

⁴⁶Eme Ekoroŋ haeonec raku Asidode hae fotâcnerâ hâwecko fisikac mâreŋ ŋondeŋ ira hae ŋerawec i wâc mâmâc.

⁴⁷Asidode hae, erâ hae kâcɋene â piticne gâcne, Gaza hae, erâ hae kâcɋene â piticne gâcne. Erâ raku Aigita opâ, erâ Hâwec Sâkoopec mâreŋ i mâmâc raucke‐fârembiŋ.

⁴⁸Tiki mâreŋko ine Samiri, Jatiri, Soko,

⁴⁹Dana, Kiriati‐Sana, Debiri hâcne,

⁵⁰Anaba Esetena, Anim.

⁵¹Goseŋ, Holoŋ â Gilo. Hae kâcɋene 11, erâ kâkâcɋene gâcne.

⁵²Araba, Duma, Esaŋ,

⁵³Janim, Bete‐Tapua, Afeka,

⁵⁴Humita, Kiriati‐Araba, Heboroŋ hâcne, â Zioro. Hae kâcɋene 9, erâ kâkâcɋene gâcne.

⁵⁵Maoŋ, Karamele, Ʒifi, Juta,

⁵⁶Jesere, Joke‐Deam, Ʒanoa.

⁵⁷Kaiŋ Gibea â Timina. Hae kâcɋene 10, erâ kâkâcɋene gâcne.

⁵⁸Halahuli, Bete‐Zuru, Gedoro,

⁵⁹Marata, Bete‐Anota â Elitekoŋ. Hae kâcɋene 6, erâ kâkâcɋene gâcne.

⁶⁰Kiriati‐Baali, Kiriati‐Jearim hâcne, â Raba. Hae jajahec, erâ kâkâcɋene gâcne.

⁶¹Eme mâreŋ burocnao ine Bete‐Araba, Midiŋ, Sekaka,

⁶²Nibisaŋ, hâwec hae hâcne, â Eŋgedi. Hae kâcɋene 6, erâ kâkâcɋene gâcne.

⁶³Judare guru jaŋe Jerusalem ŋecjucfâc‐ticne Jebusi ŋic jopa jâpec sâcne mi ejarembiŋ. Irec Jebusi ŋic jaŋe Judaŋic jaŋehec Jerusalemko jumbiŋzi juŋgopieŋ jaha.