Joshua 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

¹Lupan acn se itukyang nu sin sou nukewa in sruf lal Judah pa ac akkalemyeyuk inge: Acn se inge tufoki som nu epang, fahla nwe sun yen mwesis Zin, su pa inge masrol nu Edom.

²Masrol nu eir fahla eir in Meoa Misa,

³fahla nu eir in Innek In Utyak Nu Akrabbim lac nu Zin, ac fahla pacna nu eir in acn Kadesh Barnea, alukela Hezron ac utyak nu Addar, ac kuhfla nu Karka,

⁴ac fahla nu Azmon, ac ukwala infacl srisrik oan inmasrol nu Egypt nwe ke sun Meoa Mediterranean. Pa ingan saflaiyen masrol se inge, su masrol eir lun acn lal Judah.

⁵Ac masrol nu kutulap an pa Meoa Misa, utyak na nwe kapin Infacl Jordan. Masrol nu epang mutawauk insacn,

⁶tutafla nu lucng nu Beth Hoglah, ac fahsr nu epang nu fin ngarngar su tu ngeti nu Infahlfal Jordan. Na utyak twe sun Eot lal Bohan (su wen natul Reuben),

⁷liki Infahlfal in Ongoiya utyak nu Debir, na kuhfla nu epang in Gilgal su oan tulanang Innek In Utyak Nu Adummim su oan eir nu infahlfal uh. Na fahla na nwe sun unon in kof se Enshemesh, ac fahla nu Enrogel,

⁸ac utyak sasla Infahlfal Hinnom nu eir in sisken eol uh, su siti lun mwet Jebus pangpang Jerusalem oan we. Na masrol sac utyak pacna nu lucng nu fin tohktok layen roto ke Infahlfal Hinnom, safla layen epang ke Infahlfal Rephaim.

⁹Liki acn sacn sifilpa fahla na nwe ke unon in kof Nephtoah, ac fahla nu in siti uh apkuran nu ke eol Ephron, na kuhfla nu Baalah (ku Kiriath Jearim),

¹⁰ac fahsr rauni acn Baalah nu roto ac fahla nu acn tohktok in Edom, sifil fahsr nu epang in eol Jearim (ku Chesalon), na tufokla nu Beth Shemesh ac nu Timnah.

¹¹Masrol uh fahla epang in Fineol Ekron, na forla fahsr nu Shikkeron, alukela Fineol Baalah, ac som nu Jamnia. Safla ke Meoa Mediterranean,

¹²su pa ingan masrol nu roto uh. Pa ingan masrol ma akkalemye lupan facl su mwet in sruf lal Judah elos muta we.

¹³In oana ke LEUM GOD El tuh fahk nu sel Joshua, sie ipin facl sin Judah tuh itukyang nu sel Caleb, wen natul Jephunneh, in sruf lal Judah. El eis acn Hebron, siti sel Arba, papa tumal Anak.

¹⁴Ac Caleb el lusla tulik natul Anak liki siti sac (sou lulap lal Sheshai ac Ahiman ac Talmai.)

¹⁵Na el som liki acn sac, ac mweuni mwet muta in Debir (tuh pangpang siti se inge meet Kiriath Sepher).

¹⁶Caleb el fahk, “Nga ac fah eisalang Achsah, acn nutik, elan payuk sin mukul se ma ac ku in mweuni ac sruokya acn Kiriath Sepher.”

¹⁷Othniel, wen natul Kenaz su ma lel Caleb, el sruokya siti sac. Na Caleb el eisalang Achsah, acn natul, tuh elan mutan kial Othniel.

¹⁸In len in marut laltal, Othniel el kwafe sel Achsah elan siyuk sie ipin acn sin papa tumal. Na ke Achsah el srola liki donkey natul, Caleb el siyuk sel lah mea el lungse.

¹⁹Na Achsah el topuk, “Nga lungse kutu acn ma oasr lufin kof we, mweyen acn ma kom ase nu sik acn na pao.” Na Caleb el sang nu sel unon in kof lucng ac ten.

²⁰Pa inge acn ma sou in sruf lun Judah elos eis tuh in ma lalos.

²¹Siti lalos inge, su oan loeslana nu eir apkuran nu ke masrol nu Edom pa Kabzeel, Eder, Jagur,

²²Kinah, Dimonah, Adadah,

²³Kedesh, Hazor, Ithnan,

²⁴Ziph, Telem, Bealoth,

²⁵Hazor Hadattah, Kerioth Hezron (ku Hazor),

²⁶Amam, Shema, Moladah,

²⁷Hazar Gaddah, Heshmon, Bethpelet,

²⁸Hazar Shual, Beersheba, Biziothiah,

²⁹Baalah, Iim, Ezem,

³⁰Eltolad, Chesil, Hormah,

³¹Ziklag, Madmannah, Sansannah,

³²Lebaoth, Shilhim, Ain, ac Rimmon — siti longoul eu nufon, wi inkul nukewa ma raunela siti inge.

³³Ac siti su oan pe eol uh pa Eshtaol, Zorah, Ashnah,

³⁴Zanoah, Engannim, Tappuah, Enam,

³⁵Jarmuth, Adullam, Socoh, Azekah,

³⁶Shaaraim, Adithaim, Gederah, ac Gederothaim — siti singoul akosr nufon, wi inkul nukewa ma raunela siti inge.

³⁷Oayapa Zenan, Hadashah, Migdalgad,

³⁸Dilean, Mizpah, Joktheel,

³⁹Lachish, Bozkath, Eglon,

⁴⁰Cabbon, Lahmam, Chitlish,

⁴¹Gederoth, Bethdagon, Naamah, ac Makkedah — siti singoul onkosr nufon wi inkul nukewa ma raunela siti inge.

⁴²Ac oayapa Libnah, Ether, Ashan,

⁴³Iphtah, Ashnah, Nezib,

⁴⁴Keilah, Achzib, ac Mareshah — siti eu nufon wi inkul nukewa ma raunela siti inge.

⁴⁵Ac Ekron, wi acn ac inkul nukewa ma raunela,

⁴⁶oayapa inkul ac acn nukewa ma oan apkuran nu Ashdod, Ekron me nwe ke Meoa Mediterranean.

⁴⁷Ashdod ac Gaza, wi inkul ac acn nukewa ma raunela, fahla sun infacl srisrik su masrol nu Egypt, oayapa acn sisken Meoa Mediterranean.

⁴⁸Pa inge siti ma oan fineol uh: Shamir, Jattir, Socoh,

⁴⁹Dannah, Kiriath Sepher (ku Debir),

⁵⁰Anab, Eshtemoa, Anim,

⁵¹Goshen, Holon, ac Giloh — siti singoul sie nufon, wi inkul nukewa ma raunela.

⁵²Oayapa Arab, Dumah, Eshan,

⁵³Janim, Beth Tappuah, Aphekah,

⁵⁴Humtah, Hebron, ac Zior — siti eu nufon wi inkul nukewa ma raunela.

⁵⁵Maon, Carmel, Ziph, Juttah,

⁵⁶Jezreel, Jokdeam, Zanoah,

⁵⁷Kain, Gibeah, ac Timnah — siti singoul wi inkul nukewa ma raunela.

⁵⁸Halhul, Bethzur, Gedor,

⁵⁹Maarath, Bethanoth, ac Eltekon. Siti onkosr wi inkul nukewa ma raunela.

⁶⁰Kiriath Baal (ku Kiriath Jearim) ac Rabbah — siti luo wi inkul nukewa ma raunela.

⁶¹Siti selos yen mwesis an pa Beth Arabah, Middin, Secacah,

⁶²Nibshan, Siti Sohl, ac Engedi. Siti onkosr wi inkul nukewa ma raunela.

⁶³Tuh mwet Judah elos koflana lusak mwet Jebus liki acn Jerusalem, pwanang mwet Jebus elos srakna muta inmasrlon mwet Judah nwe misenge.