Joshua 7:1-6

¹Ma vure ni Israel tara mua kabu taonia na vatei hevei oli vania Yahweh. Ma sakai na tinoni na ahana Achan te gitoi na lei totobo keri, ge rutu ngangata Yahweh vanira na vure ni Israel. Achan na dalena Carmi, tana vinavahuhuna Zabdi mana vikena Zerah na kemana Judah.

²Na balu nina tinoni Joshua te nira vetena i Jericho gekara va vaevane polopolo tana komu i Ai na paleva uluna Bethel, lilighina na komu Beth-Aven.

³Mi tana bona tara oli mai, gaira tara bosa vania Joshua te vagha eni, “E mua sakai sule na komu vaghana, me ke vulea rua pe tolu na togha itatada kara haurakea. Me mua manada ighita udolu ka tona.”

⁴Keri ke, me kaekagena tolu na togha ni malaghai Joshua te nira vetena gekara va veitotoghoni kolura na lei mane tana komu keri, mana lei malaghaina na komu keri tara lagavulera.

⁵Na lei malaghai ni Ai tara ghuru tonara didira na malaghai rana Israel, vuivuni tana mataula ni peovatuna na komu mara va nira sara ta sakai na ghotu tara gheli vatu iga. Mi tana bona tara va nira sara tana ghotu keri, na vure ni Ai tara matera tolu hangavulu ono rana lei malaghai Israel. Keri ke rana vure ni Israel tara kubolu didira na ghanaghana/liopatu, mara mataghu.

⁶Joshua mana lei nina mane nagho ni Israel tara rosighi didira na pupulu tana bona tara rongovia eni, ra talea iga didira na dikalio. Ra dali ravuni na uludira, mara malu horui na uludira inaghona na Bokisi ni Vetena ni Baubahu Tabu nina Yahweh, poghotao/kolitao horu ritini na nulavi.