يٌسُوٍ 7:1-6

¹كْنْ عِسِرَيِلَكَيٍ نَشَ عَلَتَلَ شُي مَتَندِ، عٍ سٍ ندٍيٍ تٌنفٌ عَ تْنيِ دْشْشِ نَشٍيٍ رَ. عَكَن، كَرِ مِ شَ مَمَدِ، سَبِدِ تٌلٌبِتّ، سٍرَ شَ تٌلٌنتٌلٌنيِ، يُدَ بْنسْي يَ مَ، نُ بَرَ سٍ رَتْنشِيٍ تٌنفٌ، عَلَتَلَ بْحّ قَ تٍ عِسِرَيِلَكَيٍ شِلِ مَ نَ شَ قٍ رَ.

²يٌسُوٍ نَشَ مِشِيٍ شّي كٍلِ يٍرِكٌ، سِفَقٍ رَ عَيِ، دّننَشّ نَ بٍتِ عَوٍنِ قّ مَ، بٍتٍلِ سٌفٍتٍدٍ. عَ نَشَ عَ قَلَ عٍ بّ، «وٌ تٍ، وٌ شَ سَ نَ بْشِ رَبّن.» نَ شّمّيٍ نَشَ تٍ عَيِ بْشِ رَبّندٍ.

³عٍ نَشَ فبِلٍن يٌسُوٍ يِرٍ، عٍ عَ قَلَ عَ بّ، «هَلِ حَمَ بِرِن مُ سِفَ، مِشِ وُلُ قِرِن، شَ نَ مُ مِشِ وُلُ سَشَن نَن شَ تٍ، عٍ عَيِ مِشِيٍ بْنبْمَ نّ. عِ نَشَ حَمَ بِرِن نَتَفَن يِ قٍ مَ، بَرِ مَ وٌن فٍرٍقَيٍ مُ فبٌ.»

⁴نَ كُي مِشِ وُلُ سَشَن حْندْن نَشَ تٍ فٍرٍ شِلِ مَ. كْنْ عَيِ مِشِيٍ نَشَ نْ عٍ رَ، عٍ قَ عٍ فِ عٍ يَ رَ.

⁵عَيِكَيٍ نَشَ مِشِ تٌنفٌ سَشَن نُن سٍننِ قَشَ عِسِرَيِلَكَيٍ رَ. عٍ نَشَ عٍ كٍرِ كٍلِ تَا سٌدٍ دّ رَ هَن سَبَرِ مِ. عٍ فٌرٌ فٌرٌ مَ نَ كِرَ رَ، عٍ نَشَ نْ عٍ رَ. نَ كُي عِسِرَيِلَ حَمَ بْحّ نَشَ كَنَ، لِمَنِيَ نَشَ بَ عٍ يِ رَ.

⁶يٌسُوٍ نَشَ عَ شَ سٌسٍ عِبْو عَ مَ، عَ نَشَ عَ يَتَفِ رَقٍلٍن بْشِ مَ عَلَتَلَ شَ سَاتّ كَنكِرَ يَ عِ هَن نُنمَرٍ، عَ تَن نُن عِسِرَيِلَ قٌرِيٍ. عٍ نَشَ بّندّ مَسٌ عٍ شُنيِيٍ مَ نِمِسّ شَ قٍ رَ.