IOSUA 7:1-6

¹Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.

²Unai neganai Iosua ese tau haida Ieriko dekena amo ia siaia, idia daekau lao, hanua ta ladana Ai dekenai. Ai hanua be Betavene hanua kahirakahira, bona Betele hanua ena dina daekau kahana dekenai. Iosua ese unai taudia ia hamaoroa, unai tano be hunia dekenai do idia itaia, ena manoka gabudia do idia diba totona.

³Idia be idia daekau lao, Ai hanua idia itaia. Vadaeni idia giroa lou, Iosua idia hamaoroa, idia gwau, “Hanua be ia maragi sibona, iseda taunimanima ibounai ese do idia tuari henia lasi. Tatau 2000 o 3000 sibona do oi siaia, do idia halusia diba.”

⁴Vadaeni Israela taudia 3000 bamona ese Ai hanua idia tuari henia, to idia kwalimu lasi, bona idia heau.

⁵Ai hanua taudia ese unai Israela taudia idia lulua lao, Ai ena magu iduara dekena amo ela bona Sebarimi, nadi abia gabuna dekenai. Ai taudia ese Israela taudia 36 bamona idia alaia mase. Vadaeni Israela taudia edia laloa goada ia ore, edia lalodia be manoka, ranu bamona, gari dainai.

⁶Vadaeni Iosua bona Israela tau badadia ese edia dabua idia darea, bona tano dekenai edia vairadia idia atoa, Lohiabada ena Taravatu Maua ena vairanai, ela bona dina ia diho. Kahu danu edia imana dekenai idia abia, bona mai lalohisihisi danu edia kwarana dekenai idia bubua.