IOSUA 7:1-6

¹A Israel taudia na e revadia ḡaudia ediai e kerere; badina be Akan Karami, Sabdi Sera tubuna, luda iduhuna tauna, ese e gwaudia ahu ḡaudia haida e abi; taunabunai Iehova ena badu vada e siahu, Israel taudia latadiai.

²Una negana ai Iosua ese tatau haida Ieriko amo e siaidia, e dae lao, hanua ladana Ai baela. Una hanua na Bet-avene badibadinai, Betele mairiveina kahana ai. E hamaorodia, eto, Aola, una tano ba hasinadoa.

³Bena idia na e dae ela, Ai hanuana e hasinadoa. Bena idia na e lou, Iosua dekenai, e hamaoroa, eto, Taunimanima iboudiai na basiela; daha rua eiava daha toi mo baela, Ai hanuana bae tuari henia. Iboudiai na basio hahekwarahidia, basio siaidia; badina be hanua maraḡina mo.

⁴Taunabunai, orea taudia bogaragidia amo daha toi sisivana e dae ela. Ai taudia ese e hadareredia, e hahavadia,

⁵toi-ahui tauratoi sisivana e aladia mase. Hanua ikoukouna amo e hahavadia lao, ela bona Sebarimi, bena hekei gabuna ai e aladia mase. Bena Israel taudia na kudoudia e hetaha, bona lalodia e manokamanoka ranu na heto.

⁶Bena Iosua ese ena dabua e dare, bona tano ai e goru diho, Iehova ena taravatu mauana vairanai, ela bona dina e diho, ia bona Israel tau-badadia danu. Gahu e abia danu, kwaradia ai e bubu.