Isaiah 46

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Nawu Yawey kayime, “Bininj nawu kabirrihni kubolwarlah Babylon wanjh kabindimarneboddan yehyeng nawu birrimarnbom, nahni wanjh idols nawu kabenengeyyo Bel dja Nebo. Dja bonj, bolkkime nahni idols bedman kabeneboddan. Dja bininj kabirribarnname kore mayh nawu donkey bu kanakan. Dja nahni donkey kangudjwarremen bu kakan namekbe idols nawu benedulmuk!

²Nahni bokenh idols kabenedjalboddan, dja minj kabenengehkerren kore birribang bininj kabindimang dja kabindikan kubolkbuyika.”

³“Ngudda nawu Jacob ngunkebmawahmeng, dja mak ngudda nawu Israel ngunkebmawahmeng, dja ngurridjaldarrkid bolkkime, wanjh kandibekkabekkan. Ngaye Yawey ngunnahnani munguyh kore ngurridi kuwarlirrng dja ngurridanginj dja wanjh bolkkime nahnan ngudberre.

⁴Kaluk ngurrikohbanjmen dja ngurribulumen, dja ngaye Yawey djalnahnan ngudberre. Ngaye marnbom ngudberre dja mak nahnan, dja ngaye wanjh ngorrkan ngudberre dja mak ngehke ngudberre.”

⁵“Kandimarneyimen, nangale nabuyika karohrok ngaye? Nangale yiman kayime ngaye? Yiddok ngurrirohrok nabuyika, dja yiddok nangale nganyurrhke?

⁶Yikahwi bininj nawu birrikuken wanjh kabirrirohrokme manbu gold dja silver bedberre dja kabirrikarremulewan bininj nawu bidmak dja kabirridjawan nungka bu kabirriname gold dja silver idol. Wanjh kabirrimarneboddan dja kabirrimarnedi yiwarrudj!

⁷Bedda yika kabirriwayhke dja kabirringorrkan nahni idol, dja kabirrikurrme kore kadjaldi, minj karokan. Yikahwi bininj kabirrikayhme namekbe idol, dja bonj, minj nakka kabiwokmang, dja wokyak. Nahni idol minj kabenngehke kore kunwern kunyid kabenwarrewon.”

⁸“Ngudda nawu ngurriwarre bininj, wanjh ngurriwernhburrbu kore ngaye ngakurduyimeng, dja yuwn ngurribengmidjdan ngayekenh.

⁹Ngurriburrbu baleh kurduyimerranj bu kunkare, dja baleh ngunmarnekurduyimerranj. Ngaye ngadjalkudji God duninjh, dja minj nabuyika god kahdi. Minj nangale nganerohrok ngaye.

¹⁰Bu kunkare ngaye ngayingkihmulewam kore kerrngehkenh kurduyimerranj, dja kaluk yerrekah kurduyimerranj. Dja mak ngaye bolkkime ngayingkihmulewan bu baleh yerre kakurduyimerran. Ngayolyolme dja ngayime, ‘Ngaye ngadjalkurduyime kore ngaye ngadjare. Ngaye ngayingkihkarremarnbom dja kuhni wanjh kakurduyimerran.

¹¹Ngaye ngakayhme nakudji bininj nawu kamre koyekbeh djarreh dja nungka kakurduyime rowk kore ngaye ngayingkihkarremarnbom, dja nungka yiman kayime namaddorl nawu nabang mayh. Ngaye ngamarnbun rowk kakurduyimerran, dja ngaye ngakurduyime rowk kore ngaye ngayingkihmulewarrinj.

¹²Ngudda nawu ngurrikangerayek, ngudda nawu kunwarre ngurridjalkarrme.

¹³Manbu kunbarnangarra ngardduk kundjalmak duninjh, wanjh kamre darnkih. Ngaye wanjh ngamkan manbu kunmakkaykenh ngardduk. Ngaye wanjh ngabenngehke bininj nawu kabirriyo kunred Zion, dja ngabenmarnbun bu bedda kabirridjalmak bininj.