Gutpela Sindaun 4

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

¹Ol pikinini, yupela i mas harim gut tok bilong mi, papa bilong yupela, na bai yupela i kisim gutpela tingting.

²Tok mi givim yupela, em i gutpela tru, na yupela i no ken tromoi i go.

³Mama bilong mi i no bin karim narapela pikinini, mi wanpela tasol, na em i laikim mi tumas.

⁴Na taim mi mangi yet, papa bilong mi i bin skulim mi. Em i tokim mi olsem, “Putim gut tok bilong mi long tingting bilong yu na bihainim, na bai yu stap gut olgeta.

⁵Yu mas kisim gutpela tingting na gutpela save. Yu no ken sakim tok bilong mi o lusim tingting long en.

⁶Yu no ken lusim gutpela tingting. Nogat. Yu mas laikim em tumas na bai em i lukautim yu gut.

⁷Nambawan samting yu mas kisim, em i gutpela tingting. Tru, yu ken kisim planti arapela samting, tasol gutpela tingting em i nambawan tru.

⁸Yu mas laikim gutpela tingting na holim strong, na em bai i givim biknem long yu.

⁹Em i kamap olsem naispela bilas long het bilong yu na olsem gutpela hat king.”

¹⁰Pikinini, yu mas harim gut tok bilong mi, na bai yu stap longpela taim long graun.

¹¹Mi save skulim yu long bihainim gutpela tingting na mi save stiaim yu long wokabaut long stretpela rot.

¹²Sapos yu wokabaut long dispela rot, bai i no gat wanpela samting i pasim yu, na bai yu no inap pundaun.

¹³Oltaim yu mas holimpas dispela gutpela tok bilong mi. Em i olsem as bilong laip bilong yu, olsem na yu mas lukautim gut.

¹⁴Yu no ken wokabaut long rot bilong ol man nogut, na yu no ken bihainim pasin bilong ol.

¹⁵Yu mas abrusim tru dispela rot na yu mas i go i stap longwe long en.

¹⁶Sapos ol man nogut i no bin mekim samting nogut yet, orait ol i no inap slip. Sapos ol i mekim nogut long ol arapela man pastaim, orait ol inap slip gut.

¹⁷Pasin nogut na pasin bilong bagarapim ol arapela man em i olsem kaikai na dring bilong ol.

¹⁸Rot bilong ol man nogut i tudak olsem biknait. Ol i save pundaun na ol i no save wanem samting i sutim lek bilong ol. Tasol rot bilong ol stretpela man i lait olsem san i kamap long moningtaim, na lait i wok long kamap strong moa, inap long belo.

²⁰Pikinini, putim yau gut long tok bilong mi.

²¹Yu mas holimpas dispela tok bilong mi, na putim gut long tingting bilong yu. Nogut yu lusim.

²²Sapos yu kisim tok bilong mi, orait dispela tok bai i givim laip long yu. Dispela tok inap mekim yu i stap gut tru.

²³Gutpela tingting bilong stiaim laip bilong yu, em i save kamap long tingting bilong yu, olsem wara i save kamap long hul wara. Olsem na olgeta taim yu mas was gut tru long tingting bilong yu.

²⁴Yu no ken mekim tok giaman na olkain tok nogut.

²⁵Yu mas lukluk stret long rot yu laik i go long en. Yu no ken lukluk nabaut.

²⁶Tingting gut long wokabaut bilong yu, na olgeta pasin bilong yu bai i kamap gutpela.

²⁷Yu no ken lusim gutpela rot yu wokabaut long en. Yu no ken i go long han sut o long han kais. Nogat. Yu mas abrusim olkain pasin nogut.